Да чэмпіянату свету па хакеі 2014 мінская ДАІ на 90% абновіць парк аўтатэхнікі — фоты
Парк мінскай Дзяржаўтаінспекцыі папоўніўся новымі Skoda Octavia — самымі магутнымі ў лінейцы. Аўтамабілі разганяюцца да 100 км/гадз за 8 секунд. Аб гэтым набыцці паведамляецца на сайце ўпраўлення ДАІ ГУУС Мінгарвыканкама.
Гэта самая буйная закупка для сталічнай Дзяржаўтаінспекцыі за апошнія гады, адзначаецца ў паведамленні. Аднак у яго версіі па стане на другую палову дня 6 чэрвеня колькасць набытых машын не ўказваецца. У ранішняй версіі яна была — 67 адзінак.
Набытыя аўтамабілі будуць выкарыстоўвацца ўсімі тэрытарыяльнымі падраздзяленнямі ДАІ горада. Перад тым як супрацоўнікі пачнуць патруляванне на новых Skoda Octavia, яны пройдуць дадатковую 8-гадзінную стажыроўку. Гэта дастатковы час для адаптацыі да кіравання новым аўтамабілем, гавораць у Дзяржаўтаінспекцыі.
Ва УДАІ ГУУС таксама паведамілі, што супрацоўнікі сталічнай ДАІ пройдуць курсы вывучэння замежных моў да чэмпіянату свету па хакеі 2014 года. Ужо створаны вучэбныя групы. Мяркуецца, што да моманту пачатку спаборніцтваў супрацоўнікі ДАІ змогуць як мінімум на базавым узроўні валодаць неабходнымі ведамі. Акрамя таго, кожнаму інспектару ў дапамогу будзе дадзены размоўнік.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»7
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары