Украіна ўвяла забарону на ўвоз з Беларусі свіней, прадукцыі і сыравіны з іх у сувязі з выяўленнем афрыканскай чумы свіней (АЧС) на тэрыторыі рэспублікі. Адпаведнае рашэнне прыняў 22 чэрвеня галоўны дзяржаўны інспектар ветэрынарнай медыцыны Украіны.
Забаронены таксама ўвоз корму для свіней і іх генетычнага матэрыялу.
Як паведамляе сайт украінскай Дзяржаўнай ветэрынарнай і фітасанітарнай службы, такое рашэнне прынята з мэтай не дапусціць занясення ўзбуджальніка афрыканскай чумы на тэрыторыю Украіны. «Паводле афіцыйнага паведамлення дэпартамента ветэрынарнага і харчовага кантролю Міністэрства сельскай гаспадаркі і харчавання Рэспублікі Беларусь на тэрыторыі Гродзенскай вобласці (в. Чапунь, Іўеўскі раён) зарэгістравана захворванне свіней афрыканскай чумой», — канстатуе сайт украінскага ведамства.
Першай пра ўспышку афрыканскай чумы свіней у Беларусі паведаміла 21 чэрвеня Расійская федэральная служба па ветэрынарным і фітасанітарным наглядзе (Рассельгаснагляд). «Паводле вуснай інфармацыі кіраўніцтва дзяржаўнай ветэрынарнай службы Рэспублікі Беларусь, у Гродзенскім раёне зарэгістравана афрыканская чума свіней», — гаварылася ў паведамленні Рассельгаснагляду. У сувязі з гэтым Рассельгаснагляд 21 чэрвеня ўвёў часовыя абмежаванні на ўвоз у РФ свіней, спермы кныроў, свініны і свінагадоўчай прадукцыі з Гродзенскай вобласці да асобнага ўказання.
А неўзабаве інфармацыю афіцыйна пацвердзіў дэпартамент ветэрынарнага і харчовага нагляду Мінсельгасхарчу Беларусі. У паведамленні дэпартамента было сказана, што 21 чэрвеня Беларускім дзяржаўным ветэрынарным цэнтрам «у паталагічным матэрыяле, атрыманым ад трупа свінні, які належыць жыхару вёскі Чапунь Іўеўскага раёна Гродзенскай вобласці, выяўлены генетычны матэрыял узбуджальніка АЧС». «Дзяржаўнай ветэрынарнай службай Рэспублікі Беларусь праводзіцца комплекс мерапрыемстваў па ліквідацыі ачагу і недапушчэнні распаўсюджвання захворвання», — заявіў дэпартамент.
Афрыканская чума свіней — кантагіёзнае захворванне, якое праходзіць у вострай форме, характарызуецца хуткім цячэннем і вялікай смяротнасцю жывёл (98–100%). Сродкаў лячэння і спецыфічнай прафілактыкі гэтай хваробы няма. Для чалавека АЧС небяспекі не ўяўляе. Эканамічны ўрон, які наносіцца афрыканскай чумой свіней, заключаецца з прамых страт па радыкальнай ліквідацыі хваробы і абмежаванняў, што прымяняюцца ў міжнародным гандлі.
Канцэрт Макса Каржа пачаўся з затрымкай на дзве гадзіны. «Беларусь топ!» — крычаць і ён, і фанаты3
Каментары