Беларускія клубы ўступілі ў еўракубкавы сезон 2013/2014.
Першапраходцам стала мінскае «Дынама», якое ў першым кваліфікацыйным раўндзе Лігі Еўропы сустракалася з літоўскай «Круояй».
Першая сустрэча прайшла ў Шаўляі. Праз тыдзень каманды правядуць матч у адказ у Мінску (стадыён «Трактар»).
Праўда, другая сустрэча можа стаць фармальнасцю. У першай жа сустрэчы «дынамаўцы» знялі пытанні аб пераможцы дуэлі.
Першы тайм футбалісты «Круоі» гераічна адбіваліся ад наскокаў беларусаў. Хаця, калі быць шчырымі, то і «Дынама» ў атацы не ставіла перад супернікамі невырашальных задач. Хай прагучыць як штамп, але ў атацы вельмі не хапала румынскага форварда Косціна Курэлі, якога мінчукі так і не змаглі набыць.
Знайшоўся іншы легіянер. Уругваец Эрнан Фігерэда паклаў пачатак разгрому літоўцаў. Паўднёваамерыканец добра выбраў пазіцыю пасля флангавага паса Ігара Стасевіча, абаронцы не дацягваліся да Фігерэды — 1:0.
Пасля гэта гуляць стала адназначна лягчэй. Паліцевіч пасля вуглавога забіў галавой. А апошні гол аформіў малады Глеб Расадкін, які быў шустрэй астатніх на дабіванні — 3:0.
Выглядае, што «дынамаўскаму» штабу можна пачынаць вывучаць наступнага суперніка — заграбскі «Лакаматыў».
-
Мінскае «Дынама» не змагло ўчора вылецець у Сочы і засталося ў Ніжнім Ноўгарадзе з-за пагрозы беспілотнікаў
-
У Турцыі падчас футбольнага матча мяч трапіў у чайку. Але загінуць птушцы не далі
-
Спецпрадстаўнік Пуціна пра фінал Алімпіяды: Зборная ЗША перамагла свой будучы 52‑і штат. Адзін з апошніх хакейных матчаў паміж ЗША і Канадай
Каментары