Светлагорац зняў ролік пра катэдж старшыні райвыканкама. Міліцыя забрала камп'ютар
Міліцыя канфіскавала камп’ютар у светлагорскага блогера і грамадскага актывіста Генадзя Жулегі.
Камп’ютар быў канфіскаваны падчас агляду кватэры актывіста, праведзенага 17 жніўня з санкцыі пракурора.
Жулега 6 жніўня зняў відэа пра дом старшыні Светлагорскага райвыканкама і размясціў яго на сваіх старонках у сацыяльных сетках. Пасля гэтага хтосьці размясціў ролік на некалькіх сайтах навін, паведаміў актывіст.
Ён і раней здымаў ролікі пра жыццё ў райцэнтры, нявырашаныя сацыяльныя праблемы горада, да прыкладу, пра адсутнасць святлафораў, пра запусценне ў мясцовым парку, разбітыя дарогі.
«Дом старшыні райвыканкама я здымаў, не адмаўляю. На ўсе пытанні, на ўсе нявырашаныя праблемы ў горадзе ўлады адказваюць: няма грошай. Я гэтым ролікам паказаў, што грошы ёсць, толькі вось расходуюцца яны на будаўніцтва дамоў для начальства, а не на вырашэнне праблем грамадзян», — растлумачыў блогер.
Міліцыя прыйшла з пастановай аб правядзенні агляду жылля. «Міліцыянеры мне растлумачылі, што жонка старшыні райвыканкама напісала на мяне заяву, маўляў ролікам, размешчаным у інтэрнэце, я зняславіў гонар і годнасць яе сям’і, а інфармацыя на відэа мае паклёпніцкі характар. Я лічу, што паклёпу, гэта значыць заведама непраўдзівай інфармацыі, у роліку няма», — сказаў Жулега.
З пастановы міліцыі таксама вынікае, што жонка старшыні райвыканкама просіць прыцягнуць актывіста да ўстаноўленай законам адказнасці.
Паводле папярэдніх звестак, крымінальная справа ў дачыненні да блогера не распачыналася і не складаўся пратакол аб адміністрацыйным правапарушэнні. Міліцыянеры паведамілі Жулегу, што яго камп’ютар будуць правяраць, а потым будзе вырашацца пытанне аб прыцягненні яго да адказнасці.
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары