Справу Алеся Пушкіна «пра крупнік» закрылі, пацярпелыя не выказалі прэтэнзій
Суд пакараў мастака вялікім штрафам.
Суд над мастаком адбыўся 4 верасня.
«Тая ж суддзя ў Крупскім раёне, якая звычайна судзіць мяне, асудзіла мяне па артыкуле 12.27 КаАП, — расказаў карэспандэнту «НН» мастак. — У выніку, я выплачу вялікі штраф за самагонаварэнне.
Пацярпелыя адмовіліся ад прэтэнзій да Алеся Пушкіна, таму крымінальную справу на яго не заводзілі. Цяпер ён змог забраць канфіскаваныя ў яго рэчы — уласна сам крупнік, бакі і іншае.
Па словах Пушкіна, ён «лёгка аддзелаўся» — па крымінальным артыкуле, ён мог бы атрымаць год арышту, альбо два гады «хіміі».
«Дзяўчынка Ганна, якая найбольш пацярпела, ужо пайшла ў школу, — кажа мастак. — Яе маці выходзіць на працу, другая дзяўчына ўжо выйшла на працу. Ганна прайшла рэабілітацыю ў Аксакаўшчыне.
Справа завершаная, цяпер я буду асэнсоўваць той урок, які атрымаў ад жыцця. Я паставіўся да прыгатавання крупніка халатна, забыў, што спірт — як бензін».
Нагадаем, што 6 ліпеня падчас святкавання Купалля ў сядзібе мастака Алеся Пушкіна, тры чалавекі атрымалі апёкі, калі гаспадар гатаваў традыцыйны крупнік. Ён заліў спірт у бутлю, што знаходзілася на вогнішчы.
Пацярпелыя атрымалі апёкі 1–3 ступені.
-
Спецслужбы пад выглядам «друку сімволікі і сцягоў» спрабуюць падбіць беларусаў замежжа перадаць свае асабістыя звесткі
-
«За дзевяць дзён ніводнай цэлай канапы, смурод страшэнны». Мінчанка пра тое, як нельга выбіраць кватарантаў
-
У Бешанковічах мужчына паспрабаваў прадаць птушаня і атрымаў «адміністрацыйку»
Каментары