Дзіцячы хоспіс: Невылечныя захворванні робяцца «больш раннімі»
«Маладзеюць» і тыя, каму патрэбная дапамога хоспіса. Сёння іх 3000 чалавек, але хоспіс мае магчымасць дапамагчы толькі 250 дзеткам.
Пра гэта паведаміў намеснік дырэктара па пытаннях стратэгіі і развіцця дабрачыннай арганізацыі «Беларускі дзіцячы хоспіс» Максім Падбярозкін падчас круглага стала, які арганізаваў Цэнтр дзелавых камунікацый і падтрымкі прадпрымальніцтва BEL.BIZ.
«Пад апекай „Беларускага дзіцячага хоспіса“ зараз 250 чалавек. Гэта лічба ніяк не расце, бо ў нас няма магчымасці дапамагчы большай колькасці дзетак. Усяго ж ў дапамозе мае патрэбу каля 3000 чалавек.
Але гэта лічба арыентыровачная, бо ніхто такіх даследаванняў не праводзіць і мы не ведаем, ці расце гэтая лічба. Мы мяркуем, што не расце, але мяняецца ўзроставы склад — больш раннія праяўленні захворванняў у дзетак», — кажа Падбярозкін.
Пад час сустрэчы яе ўдзельнікі абмяркоўвалі праблемы заканадаўства ў адносінах да спонсарскай дапамогі грамадскіх дабрачынных арганізацый. У прыватнасці, спонсары ў Беларусі не маюць ніякіх падатковых ільготаў, у тым ліку і ў падатках на прыбытак.
Цяпер чытаюць
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й13
Мінгарвыканкам пра вулічнае асвятленне: Гэта была разавая акцыя. Сёння ўключаць а 18-й
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары