Адвакат: Аўтуховіч насамрэч парэзаў сябе, зараз ён адчувае сябе нармальна
Інфармацыя аб тым, што палітвязень Мікалай Аўтуховіч, які адбывае пакаранне ў Гродзенскай турме № 1, прычыніў сабе цяжкія цялесныя пашкоджанні цалкам падцвердзілася, паведамляе праваабарончы сайт spring96.org.
Па словах адваката, Аўтуховіч нанёс сабе парэзы лязом у вобласці жывата, але цяпер адчувае сябе добра.
Палітвязень, як паведамлялася раней, абскардзіў вынесенае раней спагнанне пракурору Гродзенскай вобласці, аднак 24 верасня адміністрацыя папраўчай установы абвясціла яму адказ пракуратуры, у якім паведамляецца пра тое, што ягоная скарга перанакіравана ў Дэпартамент выканання пакаранняў.
У сувязі з чым пракуратура адмовілася правесці праверку — невядома, паколькі згодна з арт. 113 Крымінальна-выканаўчага кодэксу, асуджаны мае права абскардзіць рашэнне службовай асобы аб накладанні спагнання вышэйстаячай службовай асобе, пракурору ці ў суд.
Такім чынам, калі скарга Аўтуховічам была накіравана пракурору, ён і павінен быў праводзіць праверку, а не перанакіроўваць скаргу ў Дэпартамент.
Вядома таксама, што пададзеная дадатковая скарга пракурору Гродзенскай вобласці. Адказ пакуль не атрыманы.
Мікалаю Аўтуховічу 4 верасня паведамілі, што турэмным кантралёрам 27 жніўня на яго быў складзены рапарт за парушэнне правілаў унутранага распарадку папраўчай установы.
Прычынай для складання рапарту паслужыла тое, што нібыта 26 жніўня ён пасля адбою не знаходзіўся на сваім спальным месцы. Але палітвязень прынцыпова выконвае рэжым, паколькі праз тры тыдні ў дачыненні да яго павінны былі быць пагашаны ўсе спагнанні.
-
Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягад, то сёлета — нічога
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3737
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары