«Героя» нашумелага «жывога шчыта» 5-гадовай даўніны Рамана Менцюка зноў злавілі за п'янку, толькі ён цяпер у ДАІ не ідзе, хаваецца», — паведаміў на гарачую лінію Tut.by карыстальнік Ігар з Маладзечна.
«7 верасня каля 4 гадзін ночы ў Маладзечна інспектары ДПС ДАІ Мінскай вобласці спынілі Mitsubishi, якім кіраваў 33-гадовы мясцовы жыхар.
Вадзіцельскага пасведчання пры ім не было, знешні выгляд і паводзіны мужчыны прымусілі інспектараў выказаць здагадку, што кіроўца нецвярозы.
У выніку выявілася, што ўтрыманне алкаголю ў яго крыві склала 1,51 праміле, — паведаміў Аuto.tut.by прэс-сакратар УУС Мінаблвыканкама Аляксандр Данільчанка.
„Так, затрыманы кіроўца — гэта Раман Мянцюк“, — пацвердзіў прадстаўнік абласной міліцыі.
2 сакавіка 2008 Раман Мянцюк і ягоная сяброўка Вольга ехалі на аўтамабілі бацькі Вольгі VW Golf.
Не маючы права кіравання, п’яны Мянцюк (1,31 праміле) сеў за руль, перавысіў хуткасць і не падпарадкаваўся загаду супрацоўніка ДПС Слуцкага раёна аб спыненні, пададзеным у населеным пункце Гарадзішча, што ў 15 км ад Слуцка.
Нарад ДАІ пачаў пераследаванне, перадаўшы калегам паведамленне пра кіроўцу-ўцекача.
На ўездзе ў Мінск супрацоўнікі ДАІ Кастрычніцкага раёна сталіцы выставілі на іх шляху „жывы шчыт“: яны загадалі кіроўцам аўтамабіляў Toyota Rav4, Honda Accord і BMW 525 з людзьмі (самаму малодшаму пасажыру было 3 гады) спыніць аўтамабілі ў палосах руху, не з'язджаючы на ўбочыну, а праз кароткі час у іх на вялікай хуткасці ўрэзаўся VW Golf, за рулём якога сядзеў Мянцюк.
За гэтыя дзеянні супрацоўнікі ДАІ былі прызнаныя вінаватымі па ч. 1 арт. 426 КК (перавышэнне ўлады або службовых паўнамоцтваў) і прысуджаныя да 2 гадоў пазбаўлення волі ўмоўна з адтэрміноўкай на 3 гады без права займаць пэўныя пасады на працягу трох гадоў.
Сам Мянцюк быў 28 кастрычніка таго ж года асуджаны на 5 гадоў пазбаўлення волі з адбываннем пакарання ў калоніі агульнага рэжыму і пазбаўленнем права кіравання транспартнымі сродкамі на пяць гадоў.
У верасні 2012 года ён вызваліўся па амністыі, з гэтага моманту і стаў адлічацца 5-гадовы тэрмін пазбаўлення правоў.
Цяпер чытаюць
Што вядома пра затрыманых радыёаматараў, якім пагражае аж да расстрэлу16
Каментары