У Мінску затрымалі шэсць журналістаў, якія сустракалі Севярынца
9.07
Павел Севярынец паведаміў «Нашай Ніве», што паразмаўляў на пероне з начальнікам ГУУС Мінгарвыканкама Аляксандрам Барсуковым. Той прыгразіў затрыманнем, калі на «вакзале будзе мітынг». Севярынец кажа, што яму паабяцалі вызваліць затрыманых, калі ён з’едзе з вакзала.
* * *
Паводле інфармацыі карэспандэнта «НН», на чыгуначным вакзале проста на пероне затрымалі мінімум 6 журналістаў: фотакарэспандэнта «Нашай Нівы» Сяргея Гудзіліна, карэспандэнта «Еўрарадыё» Алеся Пілецкага, фотакарэспандэнта Аляксандра Васюковіча, журналіста Барыса Гарэцкага, карэспандэнта БелаПАН Захара Шчарбакова з калегам.
У часе затрыманняў да прысутных, што сустракалі Севярынца, звярнуўся Віталь Рымашэўскі. Яго таксама затрымалі.
* * *
Нагадаем, што ўранку ў суботу, 19 кастрычніка, на свабоду выйшаў яшчэ адзін палітвязень — лідар Беларускай Хрысціянскай Дэмакратыі Павел Севярынец.
Цяпер чытаюць
Радыёвядучы расказаў пра ўнутраную кухню АНТ — і пра тое, як ператварыўся ў палітвязня2
Каментары