Сёньня раніцай ў рэдакцыю недзяржаўнай газэты «Товарищ» завіталі супрацоўнікі Ленінскага РУУСу і АМАПу
Сёньня раніцай ў рэдакцыю недзяржаўнай газэты «Товарищ» завіталі супрацоўнікі Ленінскага РУУСу і АМАПу.
«Міліцыя зьявілася фактычна адразу, як у рэдакцыю трапіў новы нумар выданьня, – кажа намесьнік рэдактара «Товарища» Дзьмітры Яненка. Іх было чалавек дзесяць, яны паказалі нам паперы з дазволам на канфіскацыю накладу. Праваахоўныя органы зацікавіліся, ці сапраўды газэта друкуецца ў Смаленску. Кажуць, што пасьля праверкі наклад будзе вернуты нам назад. Усяго было канфіскавана каля 20 тысяч асобнікаў. Дарэчы, з матэряламі гэтага нумару ўжо можна пазнаміцца на сайце www.camarade.biz».
Гэты нумар «Товарища» фактычна цалкам прысьвечаны “Сацыяльнаму маршу” 4 лістапада, а таксама пікетам, які прызначаныя на 30 верасьня амаль ва ўсіх гарадах Беларусі.
«Лідэр ПКБ Сяргей Калякін наступным чынам камэнтуе арышт накладу «Товарища»: “Для мяне відавочна, што гэта робіцца з той мэтай, каб не дапусьціць масавых акцый апазыцыі гэтай восеньню. Каб меней людзей выйшлі на вуліцы 30 верасьня, 14 кастрычніка і 4 лістапада. Затрыманьне Валера Ўхналёва зьвяно з гэтага самага ланцуга. Перакананы, што наклад вернуць ужо ў панядзелак, бо ніякіх законных падставаў для канфіскацыі ў іх няма».
Цяпер чытаюць
Cцяпан Латыпаў трэці раз спрабаваў здзейсніць суіцыд у турме3
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары