22:01
Януковіч: Прыйдуць выбары і людзі разбяруцца
Прэзідэнт Украіны заклікаў палітыкаў не спяшацца і дачакацца выбараў, на якіх людзі вызначацца, каго выбіраць.
Аб гэтым кіраўнік украінскай дзяржавы заявіў у інтэрв'ю тэлеканалам.
«Я хацеў вам сказаць і звярнуцца да нашых грамадзян, якія стаяць па абодва бакі гэтых барыкадаў. Мы з вамі пражылі вельмі няпросты перыяд часу. Мы прайшлі гады выпрабаванняў, і я за тое, каб мы заўсёды рабілі з гэтага адпаведныя высновы», — сказаў Януковіч.
Кіраўнік Украіны падкрэсліў, што ён за тое, «каб мы станавіліся мудрэйшымі, за тое, каб у нашай краіне не было неабароненых людзей: каб усіх абараняў і закон, і дзяржава».
«Каб мы з вамі заўсёды глядзелі у нашу агульную будучыню разам, а за нашу будучыню мы павінны не проста думаць, а шмат працаваць. Не біцца.
Біцца — гэта нічога не дасць», — падкрэсліў прэзідэнт Украіны.
Ён лічыць, што «нас павінна аб'ядноўваць будучыню нашых дзяцей і ўнукаў». «Таму я прашу ўсіх, як гаворыцца, палітыкаў — не спяшацца. Яны ўсё яшчэ маладыя і ў іх усё яшчэ наперадзе. Прыйдуць выбары. Людзі вызначацца, каго выберуць, так і будзе. Так заўсёды было і павінна быць, а сёння нам трэба сумесна абараняць нашы нацыянальныя інтарэсы. Працаваць на людзей», — заявіў Януковіч.
Ён таксама адзначыў, што калі імкнуцца да еўрапейскіх стандартаў, трэба рабіць усё толькі ў рамках закона.
«Гэта прынцыпы дэмакратыі. Таму я жадаю нам міру і дабра і еднасьці. Няхай Гасподзь нам дапамагае ў гэтым», — сказаў Януковіч.
Януковіч пра асацыяцыю з ЕС: Нас нагінаюць, а мы не паддамося
З такой заявай прэзідэнт Украіны выступіў у інтэрв'ю ўкраінскім тэлеканалам
«Мяне вінавацяць, што я штосьці раблю не так… Скажыце, калі ласка, што гэта за дамова, калі нас бяруць і нагінаюць? Я, напрыклад, лічу, што мы не павінны паддавацца, мы павінны абараняць свае інтарэсы. Гэта мая пазіцыя», — перадае liga.net словы ўкраінскага лідара.
Кажучы пра адносіны з ЕС, Януковіч адзначыў, што «не ведае, чым усё скончыцца».
«Гаворка ідзе пра ўмовы, у якіх мы апынемся пасля падпісання гэтай дамовы, і калі гэта нас задавальняе — я за гэта, я гэтага вельмі хачу. Калі не задавальняе — я абавязаны рабіць усё, каб мы абаранілі нашы ўласныя інтарэсы», — заявіў украінскі лідар.
У той жа час ён паведаміў пра дамовы з Расіяй, якія трэба абнавіць і ў якіх мусяць быць адлюстраваныя інтарэсы Кіева. Па словах Януковіча, Украіне з Расіяй трэба дамова пра стратэгічнае партнёрства
20:15
19:42
Пуцін: падзеі ва Украіне нагадваюць не рэвалюцыю, а пагром
Падзеі ва Украіне нагадваюць не рэвалюцыю, а пагром, заявіў прэзідэнт РФ Уладзімір Пуцін журналістам у Арменіі.
«На мой погляд, усё, што адбываецца, не мае прамога дачынення да ўзаемадзеяння з Еўрасаюзам. Гэта ўнутрыпалітычны працэс, спроба апазіцыі разгайдаць дзеючую легітымную ўладу ў краіне … Тое, што зараз адбываецца, кажа пра тое, што гэта, па ўсёй бачнасці, добра падрыхтаваныя акцыі, і гэтыя акцыі, на мой погляд, больш падрыхтаваныя не да сённяшніх падзеящ, яны рыхтаваліся да прэзідэнцкай выбарчай кампаніі вясной 2015», — цытуе Пуціна РИА Новости.
19:35
Януковіч: Надзвычай важна, каб акцыі пратэсту былі мірнымі
Прэзідэнт Украіны Віктар Януковіч падкрэслівае неабходнасць выканання ўсімі бакамі законаў падчас правядзення масавых акцый.
Пра гэта ён заявіў у інтэрв'ю журналістам украінскіх тэлеканалам 1+1, ICTV, «Інтер» і «Україна», паведамляе прэс-служба прэзідэнта.
«Калі мы кажам, што мы будуем дэмакратычную дзяржаву, дэмакратычнае грамадства, — а мы ўсе грамадзяне адной краіны, — важна, каб удзельнікі гэтага грамадства і працэсаў, якія адбываюцца, прытрымліваліся законаў», — заявіў Януковіч.
«Не мае значэння — ці гэта прадстаўнікі ўлады, праваахоўных органаў, ці ўдзельнікі гэтых акцый. Усе павінны абавязкова выконваць законы нашай дзяржавы», — сказаў ён.
Па словах кіраўніка дзяржавы, важна, каб акцыі насілі мірны характар.
«Я перакананы ў тым, што любы, нават дрэнны мір лепш любой добрай вайны», — заявіў Януковіч.
19:20
Міліцыя Івана-Франкоўска і Львоўшчыны — з народам
Міліцыя Івана-Франкоўска падтрымлівае жыхароў горада, заявіў гарадскі галава Віктар Анушкевічус.
«Яшчэ раз акцэнтую ўвагу на тым, што Івана-Франкоўская міліцыя з намі», — сказаў ён у выступе на веча, якім пачаўся агульнагарадскі страйку ў Івана-Франкоўску ў панядзелак, паведамляе «Украінская праўда».
«Таму сумесна з праваахоўнікамі, — а гэта нашы браты, нашы бацькі, сыны — сумесна з імі павінны забяспечыць правапарадак у горадзе», — адзначыў ён, паведамляе «Інтэрфакс-Украіна».
Гэтыя словы ўдзельнікі веча сустрэлі словамі «Малайцы».
Ён растлумачыў, што як дзяржслужачы не мае права страйкаваць. Але з іншага боку, адзначыў Анушкевічус, пры ўступленні на пасаду гарадскога галавы ён даваў клятву служыць украінскаму народу, і таму, каб падтрымаць жыхароў горада, разам са сваімі намеснікамі сышоў у адпачынак за свой кошт.
Анушкевічус заклікаў іншых дзяржслужачых такім жа чынам далучыцца да страйкоўцаў.
Адначасова на Львоўшчыне міліцыянты заявілі, што будуць абараняць удзельнікаў «Еўрамайдану».
18:05
Барозу дамовіўся з Януковічам прыняць украінскую дэлегацыю
Прэзідэнт Еўрапейскай камісіі Жазэ Мануэль Барозу заклікаў усе палітычныя сілы да стрыманасці. Пра гэта ён сказаў падчас тэлефоннай размовы з прэзідэнтам Віктарам Януковічам, паведамляе «Украінская праўда».
17:37
У МЗС Літвы ў панядзелак выклікалі ўкраінскага пасла
У Міністэрства замежных спраў Літвы ў панядзелак выклікалі ўкраінскага амбасадара ў гэтай краіне Валерыя Жаўценку, паведамляе «Інтэрфакс-Украіна» са спасылкай на літоўскае МЗС. Амбасадару выказалі занепакоенасць з нагоды прымянення фізічнай сілы супраць дэманстрантаў у Кіеве на Майдане Незалежнасці у ноч на 30 лістапада.
17:35
16:55
Клічко публічна паслаў правакатара матам: «Давай н… на майдан»
16:35
З'явілася відэа: правакатараў, што ўдзельнічалі ў сутычках на Банковай, на аўтобусах завозяць у двор АП.
16:30
Меркель перасцерагла Януковіча і яго ўрад ад прымянення гвалту
Канцлер ФРГ Ангела Меркель перасцерагла ўкраінскага прэзідэнта Віктара Януковіча і яго ўрад ад прымянення гвалту ў дачыненні да мірных дэманстрантаў. Пра гэта паведаміў афіцыйны прадстаўнік нямецкага ўрада Штэфен Зайберт, цытуе нямецкае агенцтва dpa «Украінская праўда».
Меркель заклікала Януковіча «зрабіць усё, каб забяспечыць свабоду выказвання меркаванняў і права на мірныя дэманстрацыі», сказаў яе прадстаўнік.
Праеўрапейскія мітынгі ва Украіне далі «вельмі выразны сігнал», сказаў Зайберт, «спадзяемся, што Януковіч прыме гэтае паведамленне».
15:55
Кіраўнік кампаніі «Яндэкс-Украіна» заклікаў ігнараваць Партыю рэгіёнаў
Кіраўнік аддзялення пошукавіка Сяргей Пятрэнка мяркуе, што ўкраінцы павінны пачаць супраць улады мірны байкот. Такую заяву ён зрабіў у сваім блогу, паведамляе korrespondent.net.
«Сумленны чалавек можа быць не ў стане пазбавіцца ад бандытаў, але не абавязаны радавацца і праяўляць нейкую ветлівасць да іх.
Наадварот — іх трэба байкатаваць. Ці не вітацца, не кантактаваць, ня працягваць рукі, не ўдзельнічаць у падзеях, у якіх яны прымаюць ўдзел.
Сумленныя людзі могуць жыць, выкрасліўшы гэтых крывасмокаў са свайго атачэння і выключыўшы кантакты з імі», — заявіў ён.
Па словах Пятрэнкі, асабіста ён не мае намеру прымаць удзел у любых мерапрыемствах, дзе будуць удзельнічаць прадстаўнікі цяперашняй улады, дэпутаты з Партыі рэгіёнаў.
«Я не прыйду. А калі я прыйду і выяўлю, што мне не сказалі пра запланаваную прысутнасць гэтых персанажаў — сыйду неадкладна. І паклічу ўсіх, каму хочацца жыць у нармальнай краіне, зрабіць тое ж самае», — запэўніў ён.
***
Даўнавата не было барыкад у нашай Цэнтральнай Еўропе. На фота Ройтэрз: цэнтр Кіева, бутафорскія, сімвалічныя барыкады вакол Майдана:
15.28
Вось такая карцінка качуе ў расійскім інтэрнэце:
А такім быў арыгінал (анархіст з чырвоным сцягам у Грэцыі нападае на паліцыянта):
14:49
Падзеі ва Украіне ад учарашняга дня — у топе чытацкай цікавасці ў Беларусі. Гэта паказваюць інтэрнэт-лічыльнікі. Гэтыя падзеі трапілі на першыя палосы ўсіх сусветнх і расійскіх СМІ. Але па стане на 14.30 панядзелка ні слова пра іх няма на сайце афіцыйнага агенцтва БелТА, ні на сайце газеты «Советская Белоруссія».
Там пішуць шмат пра што:
В США столкнулись около 70 машин, есть пострадавшие…
На австралийского серфера напала акула и откусила ему ноги…
Жители Хорватии проголосовали за запрет однополых браков…
Але не пра падзеі ва Украіне. Маўчаць, баяцца, што пажар пратэстаў перакінецца і на Беларусь?
14:32
Суд адпускае студэнтаў, затрыманых падчас разгону Майдана ў ноч на суботу.
«На кожным пасяджэнні суддзі прымаюць ідэнтычныя рашэнні: матэрыялы міліцыі вяртаюцца як незаконна аформленыя, а студэнтаў адпускаюць», — гаворыцца ў паведамленні.
«Бацькаўшчына» сцвярджае, што «ў цэлым у ноч з пятніцы на суботу было затрымана каля 30 студэнтаў, якіх дэпутаты забралі з райаддзелаў міліцыі ўжо на раніцу наступнага дня».
Міліцыя абвінавачвала студэнтаў, якіх жорстка збілі, у дробным хуліганстве і непадпарадкаванні прадстаўнікам органаў унутраных спраў.
13:30
Міністэрства замежных спраў адклікае генконсула ў Стамбуле Багдана Яроменку, які раней рэзка асудзіў жорсткі разгон мірных мітынгоўцаў у Кіеве.
Пра гэта сам Яроменка паведаміў у Facebook.
Паводле яго слоў, Леанід Кажара просіць консула прыбыць ва Украіну да 7 снежня.
Раней міністр МЗС раскрытыкаваў дзеянні консула, заявіўшы, што Яроменка парушыў прысягу дзяржаўнага служачага.
13.28
Так выглядаюць сёння вуліцы Кіева вакол Адміністрацыі прэзідэнта:
13:26
Колькасць мітынгоўцаў праціўнікаў дзеючай ўкраінскай улады на Майдане Незалежнасці ў панядзелак паступова павялічваецца.
На плошчы па-ранейшаму знаходзяцца некалькі тысяч чалавек. У асноўным яны сканцэнтраваныя каля сцэны, якая размешчана непадалёк ад уваходу ў Галоўпаштамт і па праезнай часткі вул. Хрышчацік.
Са сцэны час ад часу выступаюць дэпутаты, актывісты і каардынатары акцыі. Для прысутных уключаюць музыку і транслююць навіны пра бягучыя падзеі ў краіне.
За сцэнай усталяваны некалькі намётаў, сярод якіх ёсць як вайсковыя, так і агітацыйныя.
13:20
«У сувязі з маштабнымі акцыямі пратэсту для забеспячэння грамадскага парадку ў Кіеве ўнутраныя войскі прыцягваць дадатковыя сілы».
Пра гэта гаворыцца ў афіцыйнай заяве, апублікаванай на сайце МУС.
У Кіеў прывезлі каля тысячы ваеннаслужачых унутраных войскаў, якія нясуць службу паблізу адміністрацыйных будынкаў органаў дзяржаўнай улады.
Раней ва ўнутраных войсках адмаўлялі перадыслакацыі вайскоўцаў.
11:31
Украіна, падпісаўшы абавязацельствы па МС, можа атрымаць іншую цану на газ, аднак пакуль яшчэ не час казаць пра яе гатоўнасць утварыць з Расеяй адзіную мытную тэрыторыю, лічыць першы віцэ-прэм'ер РФ Ігар Шувалаў.
«Ва Украіне цяпер цяжкая сітуацыя, і там цяпер трэба займацца развіццём вытворчасці, ім патрабуецца недарагі рэсурс, каб запусціць прадпрыемствы і прадаць вырабленую прадукцыю. Думаю, што ніхто, акрамя Расеі, не зможа так хутка выдзеліць Украіне патрэбныя рэсурсы і ў такім аб'ёме», — адзначыў Шувалаў у інтэрв'ю Bloomberg. Паводле яго меркавання, напрыклад, дамоўленасць па газе адразу б вырашыла велізарную праблему для Украіны».
«Мы таксама можам даць пазыку. Але проста так дапамагаць без якіх-небудзь абавязацельстваў з іх боку — не будзем. Мы не можам проста так ратаваць Украіну: яны павінны прыйсці да нас з нейкай канкрэтнай і аргументаванай павесткай», — лічыць першы віцэ-прэм'ер, паведамляе РІА Новості. «Вядома, Украіна разумее, што, падпісаўшы абавязацельствы па Мытным саюзе, можа атрымаць іншую цану на газ, іншыя ўмовы па абавязацельствах і пошлінах», — дадаў Шувалаў.
«Мы цяпер з Арменіяй дамаўляемся адкрыта і празрыста па нашых адносінах, і ўсе разумеюць, што мы Арменіі даем адпаведную цану на газ, таму што яны падпісваюць з намі ўвесь пакет пагадненняў па мытным саюзе», — адзначыў першы віцэ-прэм'ер. Аднак далучэнне Украіны да Мытнага саюза магчыма ў будучыні не адразу, адзначыў Шувалаў. «З пункту гледжання тэхналогій і гатоўнасці Украіны ўтварыць з намі на дадзены момант адзіную мытную тэрыторыю, казаць пра гэта яшчэ рана», — лічыць ён.
10:39
Пытанне аб увядзенні надзвычайнага становішча ва Украіне пакуль не ўздымалася, паведаміў прэс-сакратар прэм'ера Мікалая Азарава Віталь Лук'яненка.
Ён не ўдакладніў, ці ўдалося Азараву трапіць на сваё працоўнае месца ў Кабінеце міністраў у панядзелак.
З-за таго, што мітынгоўцы перакрылі ўсе падыходы і пад'езды да будынка ўрада, супрацоўнікам Кабміна не ўдалося трапіць у панядзелак раніцай на свае працоўныя месцы.
10:04
За мінулыя суткі ў брыгады неадкладнай медыцынскай дапамогі ў Кіеве звярнулася 165 траўмаваных.
Пра гэта паведамляе Дэпартамент аховы здароўя Кіеўскай гардзяржадміністрацыі.
З іх шпіталізавана 109 чалавек.
09:41
У Львоўскай вобласці 2 снежня абвешчана ўсеагульная забастоўка. Пра гэта гаворыцца ў заяве кіраўніка Львоўскай абласной рады Пятра Калодзія.
«На выкананне прызыву Штаба нацыянальнага супраціву штаб каардынацыйнай рады Львоўскай вобласці абвяшчае абласны страйк», — заявіў Калодзій.
Ён таксама заклікаў жыхароў вобласці самым выбраць форму, у якой яны будуць праводзіць страйк і выходзіць на львоўскі «Еўрамайдан» — да помніка Тарасу Шаўчэнку на праспекце Свабоды.
Акрамя таго, Калодзій абвясціў мабілізацыю для падтрымкі «Еўрамайдана» ў Кіеве.
«Абвяшчаем максімальную мабілізацыю людзей для выезду ў Кіеў. У спісы жадаючых не будзем уносіць жанчын, дзяцей і грамадзян, якім не споўнілася 20 гадоў», — гаворыцца ў заяве на сайце Львоўскай аблрады.
09:37
Дэпутат Севастопальскага гарсавета просіць Пуціна ўвесці войскі ва Украіну
Сяргей Смольнікаў, дэпутат Севастопальскага гарсавета, звярнуўся да прэзідэнта Расіі з просьбай пра «ваенную і іншыю дапамогу братняму народу, ураду і прэзідэнту Украіны, каб абараніць суверэнітэт дзяржавы, расійскую грамаду Крыма ды іншых рэгіёнаў».
У Севастопалі, нагадаем, размешчаная расійскія вайсковая база, і абсалютную большасць у горадзе складаюць грамадзяне расейскага паходжання.
У той жа час у сталіцы Крыма, Сімферопалі, учора адбылося шматтысячнае шэсце пад лозунгам «Крым — гэта Еўропа» ў падтрымку еўрапейскага выбару. У ім, акрамя актывістаў апазіцыйных партый, узялі ўдзел крымскія татары.
09:31
Прэзідэнт Польшчы Браніслаў Камароўскі хоча паразмаўляць па тэлефоне з Віктарам Януковічам пра апошнія падзеі ў Кіеве. Пра гэта ён распавёў польскім СМІ. Паводле яго слоў, сітуацыя развіваецца хутка і драматычна.
Камароўскі заявіў, што Польшча павінна ўсяляк дапамагаць ўкраінцам у пытанні Пагаднення аб асацыяцыі з ЕС.
«Магчыма ў бліжэйшыя дні трэба склікаць пасяджэнне Рады нацыянальнай бяспекі на якім урад, прадстаўнікі выканаўчай улады маглі б падзяліцца сваімі назіраннямі і ідэямі з апазіцыяй і парламенцкімі сіламі ў Польшчы», — адзначыў Камароўскі.
Напярэдадні Еўрамайдан у Кіеве наведаў былы кіраўнік польскага ўрада, лідар партыі «Закон і справядлівасць» Яраслаў Качынскі.
09:30
Мікалаеўская раённая арганізацыя Партыі рэгіёнаў у Львоўскай вобласці плануе абвясціць пра свой роспуск.
Партыйцы плануюць публічна разарваць свае членскія білеты і мандаты дэпутатаў раённага савета і аб'явіць аб спыненні існавання Партыі рэгіёнаў у Мікалаеўскім раёне.
Такое рашэнне падтрымліваюць на сёння ўсе сябры партыі, акрамя аднаго чалавека. Ключ ад партыйнага офіса здадуць у гарадскую раду.
09:17
Асобныя групы актывістаў блакавалі ўсе ўваходы ў Кабінет міністраў Украіны і ў будынак нацыянальнага Банка Украіны.
Калона спынілася насупраць цэнтральнага ўваходу ў будынак ўкраінскага ўрада. Рух па вул.Грушэўскага перакрыты, калона мітынгоўцаў скандуе: «Банду далоў!».
Ззаду калоны рух блакуюць аўтамабілі прыхільнікаў адстаўкі ўрада і прэзідэнта.
Акрамя таго, да цэнтральнага ўваходу Кабміна прыбылі два мікрааўтобусы «Бацькаўшчыны» з гукаўзмацняльнай апаратурай.
У дворыку Кабміна знаходзяцца 8 аўтобусаў з супрацоўнікамі спецпадраздзялення «Беркут», але міліцыя пакуль не робіць ніякіх актыўных дзеянняў.
Між тым, з боку вул. Інстытуцкай вул. Банковая, дзе месціцца Адміністрацыя прэзідэнта, перакрыта. Бліжэй да комплексу будынкаў адміністрацыі прэзідэнта папярок вуліцы стаяць аўтобусы з праваахоўнікамі, перад імі шчыльнымі шэрагамі выстраіліся «беркутаўцы» ў поўным абмундзіраванні.
8.45
Сотні тысяч чалавек выйшлі на вуліцы Кіева ў нядзелю. Мітынгі з патрабаваннем не адкладаць падпісання Дамовы аб асацыяцыі Украіны з ЕС перараслі ў масавыя акцыі за адстаўку прэзідэнта і ўрада. Іх абвінавачаюць у некампетэнтнасці, карумпаванасці і кіраванасці выключна інтарэсамі звязаных з імі бізнэсоўцаў.
Спускавым кручком стаў сілавы разгон Еўрамайдана ў ноч з пятніцы на суботу. Яго ажыццявілі спецназаўцы, прывезеныя з усходу краіны.
Учора цэнтр Кіева перайшоў пад кантроль мітынгоўцаў. Спецназ абараняў тры тры пункты: Адміністрацыю прэзідэнта на вуліцы Банковай, Кабінет міністраў на Грушэўскага і люксовую прыватную рэзідэнцыю Януковіча Міжгор'е ў сяле Пятроўцы пад Кіевам.
Самога Януковіча ў сталіцы не было, ён знадзіўся ў Міжгор'і.
Правакатары на чале са скандальным анархістам Дмытром Карчынскім павялі людзей на штурм Адміністрацыі прэзідэнта. Для гэтага яны выкарыстоўвалі шматтонны пагрузчык. Гэта была гульня нерваў. У хаду пайшлі кіі, камяні і газ. 165 мітынгоўцаў было паранена ў сутычках, у тым ліку 32 рэпарцёры. З боку міліцыі ў бальніцы трапіла 47 байцоў.
Апазіцыя заклікала да агульнанацыянальнага страйку. На чале пратэстаў стаяць, з аднаго боку, лідары парламенцкіх партый Арсень Яцанюк, Віталь Клічко — знаны як баксёр і Алег Цягнібок. З другога боку, стыхія Майдана падпарадкоўваецца хутчэй знакавым асобам, вядомым людзям — салістам рок-гуртаў, студэнцкім правадырам.
Аблсаветы ўсходу і поўдня краіны сёння, як чакаецца, на надзвычайных сесіях запатрабуюць увядзення надзвычайнага становішча.
Каментары