Расіяне паставілі 260 дзвярэй з пазалотай у Палацы Незалежнасці ў Мінску
Інфармацыя пра нядаўна пабудаваную рэзідэнцыю кіраўніка Беларусі пад назвай Палац Незалежнасці даходзіць адрывіста. Цэласнае ўражанне пра аб'ект атрымаць пакуль праблематычна — абяцаныя экскурсіі для звычайных грамадзян і журналістаў яшчэ не наладжаныя. Некаторыя падрабязнасці маштабнай будоўлі ўдалося даведацца дзякуючы расійскай кампаніі «Янтарная прядь — паркет», якая клала паркет і ставіла дзверы ў Палацы Незалежнасці.
Падмаскоўная кампанія здавала працы пад ключ, г.зн прымала ўдзел у распрацоўцы, вытворчасці і мантажы мастацкага паркету і дзвярэй.
Агульная плошча паркетных работ склала 3600 кв. м.
Паводле звестак кампаніі, у Палацы Незалежнасці мноства пакояў і залаў, «толькі на першым паверсе не менш за 45 памяшканняў».
У рэзідэнцыі знаходзяцца вялікая і малая банкетныя залы, універсальная зала, зала для ўрачыстых мерапрыемстваў і афіцыйных сустрэч, прэс-цэнтр, памяшканні для правядзення перамоў і нарадаў, а таксама зала для узнагароджанняў.
Паводле ацэнак экспертаў, кошт кладкі мастацкага паркету падобнага на паказаны на фатаздымках, можа вар'іравацца ад 300 да 2000 даляраў за квадратны метр (сюды ўключана цана саміх матэрыялаў і работ па ўкладцы).
У сувязі з гэтым можна меркаваць, што кладка паркету ў Палацы Незалежнасці, хутчэй за ўсё, абышлася не ў адзін мільён даляраў.
«Янтарная прядь — паркет» таксама вырабіла і ўсталявала 260 дзвярэй у Палацы Незалежнасці.
Вышыня 14 дзвярэй склала 4 м, а 6 з іх маюць вышыню больш за 4,3 м. Раскошныя драўляныя дзверы з разьбяным арнаментам ўпрыгожаны пазалотай і пацінай.
Паводле ацэнак экспертаў, кошт адных такіх дзвярэй складае больш за 3 тыс. даляраў.
Для расійскай кампаніі гэта не першы досвед працы з Беларуссю. У мінулым годзе расіяне ўкладвалі паркет у офісе Беларусбанка ў Мінску (плошча — 900 кв. м). Акрамя таго, у партфоліа ёсць заказ ад пасольства Беларусі ў Маскве (было выкладзена 1100 кв. м паркету на працягу трох гадоў).
У кампаніі называюць нядаўні праект у Мінску адным з самых буйных у гісторыі кампаніі.
«Беларусь цябе любіць». Рэпартаж з развітання з Мікітам Мелказёравым6
Каментары