На думку медыкаў, у апошнія гады жанчыны сталі значна больш патрабавальнымі ў сэксуальным плане да сваіх партнёраў.
Пры гэтым эксперты кажуць, што ў большасці краін назіраецца тэндэнцыя да павелічэння колькасці партнёраў у жанчын на працягу іх жыцця, у той час як колькасць любоўных трафеяў у мужчын, насупраць, у цэлым зніжаецца, у сувязі з чым падае і мужчынская самаацэнка.
Даследнікі лічаць, што чаканні жанчын у дачыненні да мужчын павышаныя. У выніку такога ціску адказнасці мужчыны схільныя адчуваць сябе няўпэўненымі і прыгнечанымі. Гэтыя высновы былі зробленыя аналітыкамі па выніках апытання з удзелам больш за 5 тысяч мужчын.
Праца вядомага брытанскага спецыяліста ў галіне даследаванняў, якія тычацца сэксуальных пытанняў, Трэйсі Кокс паказала, што многія сучасныя мужчыны схільныя да розных фрустрацый.
Высветлілася, да прыкладу, што прыблізна 20% мужчын, з прычыны прыніжанай самаацэнкі, аддаюць перавагу займацца сэксам пры выключаным святле.
Траціна апытаных прызналася, што перажывае з-за недастатковага сэксуальнага вопыту: па словах гэтых мужчын, іх самаацэнка была б значна вышэй, калі б яны мелі большую колькасць партнёрак. У цэлым 65 % мужчын, якія прымалі ўдзел у апытанні, паведамілі, што адчуваюць пэўныя праблемы, якія ўзнікаюць у працэсе заняткаў сэксам.
На думку Трэйсі Кокс, мужчыны ў большасці выпадкаў схільныя моцна перабольшваць свае сэксуальныя здольнасці, а таксама колькасць жанчын, з якімі яны мелі кантакты.
Падманваць пра свае сэксуальныя подзвігі мужчын вымушаюць завышаныя стандарты, якія прад'яўляюць ім жанчыны, лічыць эксперт. Улічваючы, што даследаванні паказваюць, як моцна ўплывае на задаволенасць сэксуальным жыццём у дам ступень агульнага дабрабыту, навукоўцы не выключаюць, што прэс жаночых чаканняў можа ціснуць на мужчын нават яшчэ мацней, чым гэта можа здавацца.
Цяпер чытаюць
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію7
«Я не прысвойваў сабе мільён». 17‑гадовы блогер з Гродна, які збіраў грошы на лячэнне дзіцяці, распавядае сваю версію
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне7979
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне79
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1919
Каментары