Работнікі хуткай Мінска аднавілі збор подпісаў пад петыцыяй у адрас Лукашэнкі і міністра аховы здароўя
На 10.00 11 студзеня пад петыцыяй падпісаліся ўжо больш за 7 тыс. чалавек. Зварот аформлены ад работнікаў службы хуткай медыцынскай дапамогі Мінска.
Патрабаванні петыцыі тыя ж: прыняць Закон «Аб хуткай медыцынскай дапамозе», тэрмінова павысіць аклады медыцынскага персаналу хуткай дапамогі як мінімум у 2 разы. «Мы не забыліся, што ёсць такія паняцці, як сумленне, абавязак, прафесіяналізм. Чаму мы павінны працаваць за такую зневажальна нізкую зарплату і ў такіх умовах?»
Медыкі таксама патрабуюць унесці змены ў Правілы дарожнага руху. «Неабходна альбо ўсталяваць безумоўны прыярытэт машын хуткай медыцынскай дапамогі з уключанымі спецсігналамі і ўзмацніць жорсткасць мер пакарання ў дачыненні да людзей, якія перашкаджаюць праезду хуткай дапамогі пры уключаных спецсігналах, альбо пазбавіць хуткую дапамогу прыярытэту на дарозе», — гаворыцца ў звароце.
Як паведамлялася раней, петыцыя на сайце change.org была размешчана 6 студзеня і знята на наступны дзень. Тады за суткі пад зваротам да Лукашэнкі і міністру аховы здароўя падпісалася больш за 5 тысяч чалавек.
Цяпер чытаюць
СК апублікаваў відэазапіс падзення беспілотніка. На абломках паказалі ўкраінскія надпісы31
Каментары