Дэпутат і камендант Майдана Андрэй Парубій заяўляе, што людзі вызваляць будынкі толькі пасля таго, як улада пойдзе на саступкі.
Пра гэта ён сказаў у каментары «Украінскай праўдзе», адказваючы на пытанне, ці згодныя людзі вызваліць адмінбудынкі, як таго патрабуе Партыя рэгіёнаў.
«Рэгіяналам пара вызваліць адміністрацыйныя памяшканні, такія як Банкавая і Кабінет міністраў.
Я мяркую, што мы будзем патрабаваць, каб Партыя рэгіёнаў вызваліла адміністрацыйныя памяшканні, і будзем весці перамовы з гэтай нагоды», — заявіў ён.
«Гэта значыць. Яны вызваляюць Банкавую — мы вызваляем Кастрычніцкі палац. Я мяркую, што такія пачатковыя пазіцыі перамоваў, і мы будзем казаць далей, хто і што павінен вызваліць», — адзначыў Парубій.
Каментары