13 кастрычніка ў Гомелі нацыянальная зборная Беларусі прайграла матч адборачнага турніру да чэмпіянату Эўропы футбольным карлікам - камандзе Люксэмбургу - 0:1.
На апошняй дададзенай хвіліне гол забіў Альфонс Левэк.
Зборная Вялікага герцагства некалькі гадоў не набірала пунктаў ў адборачных турнірах. Беларусы зрабілі ім шыкоўны падарунак. Пасьля забітага мяча госьці радаваліся перамозе, нібы выйгралі чэмпіянат Эўропы.
Гэта трэцяя запар параза беларусаў пры новым трэнеры Бэрндзе Штанге.
***
Сёньня ў нашай групе былі згуляныя два матчы: Румынія - Галяндыя - 1:0, Славенія - Албанія - 0:0.
Становішча камандаў: Румынія - 23 (9 гульняў), Галяндыя - 20 (9), Баўгарыя - 18 (9), Славенія - 11 (10), Албанія - 10 (9), Беларусь - 7 (10), Люксэмбург - 3 (10).
Нашым футбалістам засталося згуляць дзьве гульні адборачнага турніру. 17 лістапада ў гасьцях з Албаніяй, 21 лістапада - дома з Галяндыяй. У наступную сераду беларусы гуляюць у гасьцях таварыскі матч з Ізраілем.
Цяпер чытаюць
Акадэмію КДБ будуюць проста на Залатагорскіх могілках. З зямлі дастаюць парэшткі мінчукоў, якіх тут хавалі сотні гадоў22
Каментары