дапоўнена
У Мінску міліцыя разагнала акцыю па раздачы бясплатнай ежы бяздомнікам
У раёне ст. метро «Усход» у Мінску сёння, 2 лютага, была спынена акцыя актывістаў ініцыятывы «Ежа замест бомб», удзельнікі якой раздавалі бясплатную еду бяздомнікам.
Як паведаміў карэспандэнту «Нашай Нівы» актывіст ініцыятывы Валера, падчас акцыі да іх падышлі тры супрацоўнікі міліцыі, прымушалі сысці ў двары, а Валеру загадалі сесці ў машыну. Але актывісты і мясцовыя жыхары заблакавалі яе, не давалі выехаць. Праз нейкі час прыехала дадатковыя сілы міліцыі і хлопца звезлі ў РАУС, дзе перапісалі дадзеныя і адпусцілі.
«Ежа замест бомб» праводзіць ініцыятыву кожны тыдзень у 3 кропках горада, пастаянна падкармліваюць бяздомнікаў бясплатнай ежай, але апошнім часам на іх пачалі зноў ціснуць.
Цяпер чытаюць
У Офісе Ціханоўскай працуе выкладчык з Даніі. Ён расказаў, чаму кінуў камфортнае жыццё і заняўся беларускай справай20
Каментары