Львоўская Народная рада ўзяла на сябе ўсю адказнасць за лёс вобласці і падпарадкавала сабе ўсе выканаўчыя органы.
Пра гэта гаворыцца ў звароце, апублікаваным на сайце аблрады.
Львоўскія дэпутаты заявілі, што ў Кіеве «рэжым пачаў адкрытыя баявыя дзеянні супраць народа».
«Выконваючы волю грамады Львоўшчыны, выканаўчы камітэт Львоўскай абласной рады — Народная Рада бярэ на сябе ўсю паўнату адказнасці за лёс краю і грамадзян», — гаворыцца ў звароце.
У склад выканаўчага камітэта Львоўскай абласной рады — Народнай Рады на чале са старшынёй, кіраўніком Штаба Нацсупраціву Пятром Калодзіем, увайшлі прадстаўнікі дэпутацкага корпуса, Самаабароны, іншых аб'яднанняў актывістаў, грамадскія дзеячы, вядомыя вучоныя.
Галоўнай задачай Народнай Рады «з'яўляецца падтрыманне жыццезабеспячэння і правапарадку на тэрыторыі вобласці, садзейнічанне ў адпраўцы актывістаў у Кіеў, забеспячэння кіеўскага Майдана ўсім неабходным».
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары