Басманны суд Масквы выдаў санкцыю на завочны арышт лідара ўкраінскай арганізацыі «Правы сектар» Дзмітрыя Яраша. Пра гэта 12 сакавіка паведамляе РАПСІ. «З улікам звестак пра асобу і матэрыялаў справы не можа быць іншай меры», — растлумачылі ў судзе.
Раней Следчы камітэт РФ завёў супраць Яраша крымінальную справу за публічныя заклікі да тэрарыстычнай дзейнасці з выкарыстаннем СМІ (частка другая артыкула 205.2 і частка другая артыкула 280 КК РФ). Падставай для пачатку крымінальнай вытворчасці стала публікацыя на старонцы «Правага сектара» «Вконтакте», у якой Яраш нібыта звярнуўся да лідара чачэнскага баевікоў Доку Умарава з заклікам падтрымаць Украіну. Лідар «Правага сектара» быў абвешчаны Расіяй у міжнародны вышук.
Правы сектар заяўляе, што старонка арганізацыі была ўзламаная.
Расійскія следчы таксама завялі справу супраць другога члена руху «Правы сектар» Аляксандра Музычкі (Сашы Белага). Яго западозрылі ў бандытызме за ўдзел у баявых сутычках з расійскімі федэральнымі войскамі ў Чачні ў 1990-х гадах.
Каментары