Трывожныя навіны з паўднёвага ўсходу Украіны. У Харкаве некалькі дзясяткаў штурмавікоў напалі на сядзібу ўкраінскага асветніцкага таварыства «Прасвета» імя Тараса Шаўчэнкі ў Харкаве. Паведамляецца, што два чалавекі забіта, 5 паранена.
«Прасвета» — нацыянальная асветніцкая арганізацыя, кшталту нашага Таварыства беларускай мовы. На яе базе гуртуюцца разнастайныя ўкраінскія арганізацыі, як культурныя, так і спартова-патрыятычныя.
А ў Данецку штурмавікі ўварваліся ў будынак суда, які разглядаў пытанне забароны мітынгаў, прызначаных на суботу і нядзелю, з меркаванняў бяспекі. Міліцыя іх нейтралізавала. Суд прыняў рашэнне пра забарону масавых акцый. З такой просьбай выступіў гарсавет.
На просьбу абласной адміністрацыі забаронены мітынг прарасійскіх сілаў і ў Харкаве, які быў прызначаны на суботу і на якім арганізатары збіраліся «прыняць рашэнне» пра федэралізацыю Украіны.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты8
Каментары