«Што тычыцца аналізу ўсіх каляровых рэвалюцый, у тым ліку апошніх падзей на Украіне — безумоўна, такі аналіз мы павінны зрабіць, з тым каб засцерагчы нашых грамадзян ад свавольства розных ультрасаў, ад свавольства тэрарыстычных элементаў і людзей з радыкальнымі поглядамі «, — сказаў Пуцін на сустрэчы з сенатарамі.
Прэзідэнт Расіі Уладзімір Пуцін 27 сакавіка абмеркаваў з членамі Савета Федэрацыі пытанні інтэграцыі Крыма і Севастопаля ў адзінае прававое, эканамічнае, культурнае, сацыяльнае і адміністрацыйнае поле краіны.
Пры гэтым ён папрасіў парламентарыяў «быць акуратнымі«.
«Нам нельга ўпадаць ні ў якую эйфарыю і ствараць умовы, непрымальныя для грамадзянскай супольнасці, для абароны сваіх правоў… Грамадзяне краіны павінны заўсёды разумець, што ў іх ёсць набор сродкаў і метадаў — законных сродкаў і метадаў, якімі яны могуць скарыстацца, каб прад'явіць прэтэнзіі ўладзе, калі іншым спосабам гэта зрабіць немагчыма, у тым ліку мітынгамі, дэманстрацыямі, шэсцямі«.
«Такое волевыяўленне павінна быць у рамках закона. Ніхто не павінен прэтэндаваць на тое, каб выходзіць за гэтыя рамкі, выкарыстоўваць толькі мірныя метады і каб улада не стварала для сябе цяплічныя умовы і не хавалася за нейкія рэпрэсіўныя рамкі, бязмерна пашыраючы сваю рэпрэсіўную функцыю. Гэта ўсё павінна быць у вядомым балансе«, — сказаў Пуцін.
«Тое, што мы павінны аналізаваць падзеі, якія вакол нас адбываюцца — у інфармацыйнай сферы, у пратэстах — гэта безумоўна, толькі я вас заклікаю да таго, каб на гэтай хвалі не напрымаць нейкіх рашэнняў, якія істотным чынам абмежавалі б грамадзянскія свабоды, права грамадзян на выказванне свайго меркавання«, — удакладніў Пуцін.
-
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
-
Зяленскі: Пакуль перанакіравання зброі з Украіны на Блізкі Усход няма, а там пабачым
-
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары