Авіякампанія «Белавія» распрацавала спецыяльны тарыфны прадукт-абанемент «Скайпас Белавія» на некалькі палётаў для пасажыраў, якія рэгулярна падарожнічаюць на лініі Мінск — Масква.
Ад сёння «Скайпас Белавія» можна набыць на некалькі палётаў «туды і назад» (ад 2 да 8) з абслугоўваннем у эканамічным і бізнес-класе рознага тэрміну дзеяння (14 дзён, 1 і 3 месяца). Кошт абанемента залежыць ад колькасці набытых палётаў і класа абслугоўвання.
«З летняга сезону мы ўводзім абанемент на лініі Мінск — Масква, у хуткім часе плануем пашырыць геаграфію: нашы спецыялісты ўжо прапрацоўваюць магчымасць прадастаўлення такога прадукту на напрамках, як Санкт-Пецярбург і Калінінград. Спадзяюся, гэта дазволіць зэканоміць час людзям, якія цэняць кожную секунду», — адзначыў генеральны дырэктар ААТ «Авіякампанія «Белавія « Анатоль Гусараў.
У прэс-службе растлумачылі, што першы палёт пасажыр браніруе на канкрэтную дату і рэйс.
Наступныя палёты можна забраніраваць на любы зручны рэйс і дату не пазней чым за 2 гадзіны да вылету рэйса пры наяўнасці свабодных месцаў у адпаведным класе абслугоўвання.
Пасажыры могуць аформіць такую паслугу і ўносіць змены ў браніраванне ў офісах «Белавія» і прадстаўніцтвах за мяжой, а таксама праз агентаў авіякампаніі і інфармацыйна-даведачную службу.
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая36
Каментары