Avijakampanija «Biełavija» raspracavała śpiecyjalny taryfny pradukt-abaniemient «Skajpas Biełavija» na niekalki palotaŭ dla pasažyraŭ, jakija rehularna padarožničajuć na linii Minsk — Maskva.
Ad siońnia «Skajpas Biełavija» možna nabyć na niekalki palotaŭ «tudy i nazad» (ad 2 da 8) z absłuhoŭvańniem u ekanamičnym i biźnies-kłasie roznaha terminu dziejańnia (14 dzion, 1 i 3 miesiaca). Košt abaniemienta zaležyć ad kolkaści nabytych palotaŭ i kłasa absłuhoŭvańnia.
«Ź letniaha siezonu my ŭvodzim abaniemient na linii Minsk — Maskva, u chutkim časie płanujem pašyryć hieahrafiju: našy śpiecyjalisty ŭžo prapracoŭvajuć mahčymaść pradastaŭleńnia takoha praduktu na napramkach, jak Sankt-Pieciarburh i Kalininhrad. Spadziajusia, heta dazvolić zekanomić čas ludziam, jakija ceniać kožnuju siekundu», — adznačyŭ hienieralny dyrektar AAT «Avijakampanija «Biełavija « Anatol Husaraŭ.
U pres-słužbie rastłumačyli, što pieršy palot pasažyr braniruje na kankretnuju datu i rejs.
Nastupnyja paloty možna zabraniravać na luby zručny rejs i datu nie paźniej čym za 2 hadziny da vyletu rejsa pry najaŭnaści svabodnych miescaŭ u adpaviednym kłasie absłuhoŭvańnia.
Pasažyry mohuć aformić takuju pasłuhu i ŭnosić źmieny ŭ braniravańnie ŭ ofisach «Biełavija» i pradstaŭnictvach za miažoj, a taksama praz ahientaŭ avijakampanii i infarmacyjna-daviedačnuju słužbu.
Kamientary