БТРы, на якіх ўзьнялі расейскія сьцягі, раніцай увайшлі ў Краматорск у складзе ўкраінскага кантынгенту для правядзеньня антытэрарыстычнай апэрацыі.
Але сэпаратысты і мясцовыя жыхары заблякавалі рух шасьці БТР, пазьней да іх падышлі невядомыя ў камуфляжы са зброяй. Яны, у сваю чаргу, раззброілі сілавікоў і адагналі іх у пасёлак Іванаўка, паведамляе «Ўкраінская праўда».
Пазьней тры вайсковыя машыны пад расейскімі сьцягамі прыбылі ў Славянск. Як паведаміў «Украінскай праўдзе» журналіст Пётр Цярэнцьеў, які знаходзіцца на месцы падзей, адзін з сэпаратыстаў паведаміў, што ўкраінскія вайскоўцы перайшлі на бок пратэстоўцаў.
«У мяне ўжо няма сумневаў, што гэта расейскія салдаты, расейскія спэцслужбы», — дадаў ён.
Прапагандысцкай расейскі канал «Лайфньюз» называе іх «арміяй Данбаса».
Каментары