Рыжычэнка: Заробак 2500 далараў у Беларусі праз дзесяць гадоў — гэта абсалютна рэалістычныя лічбы
Прадстаўніца Аб’яднанага пераходнага кабінета Беларусі па эканамічных рэформах Аліса Рыжычэнка распавяла на «Белсаце» пра сваю доўгатэрміновую Стратэгію эканамічнага развіцця дэмакратычнай Беларусі да 2035 года, паведамляе АПК.
«Стратэгія — гэта не пакет эканамічных рэформаў, гэта напрамак і тыя галіны гаспадаркі, якія патрабуюць трансфармацыі. Яна базіравалася на тым, што Беларусь можа развівацца толькі ў выпадку, калі гэта будзе эканоміка ведаў, якая базіруецца на адукацыі, навуцы і тэхналогіях. І якраз тыя лічбы і ключавыя паказчыкі, якія былі агучаныя, гэта як мэты, куды трэба імкнуцца».
«Гэта пакуль што на сённяшні дзень адзіны дакумент і канцэпцыя, якая апісвае ў цэлым і ахоплівае больш галінаў гаспадаркі, чым толькі ў вузкім значэнні эканамічныя рэформы. І мне здаецца, гэта адзіны правільны падыход, які забяспечыць ўстойлівы рост беларускай эканомікі».
«Галоўнае адрозненне гэтай стратэгіі ў тым, што якраз тыя рэсурсы, якія вызваляюцца, дзякуючы паступовым рэформам, яны і могуць быць накіраваныя на рэформу адукацыі, рэформу навукі, для развіцця тэхналогій, інвестыцыяў».
«Мы, на жаль, як і беларускае грамадства, прызвычаіліся думаць у рамках эканомік мінулага стагоддзя, якія базіруюцца выключна на вытворчасці, апрацоўцы якіх-небудзь рэсурсаў, якія выкопваюцца з зямлі, на апрацоўцы нафты. Але мы зараз гаворым пра поўнасцю іншую эканоміку, пра эканоміку, якая выбудоўваецца на высокіх тэхналогіях. І тут цалкам іншая дададзеная вартасць і цалкам іншыя сумы, якія будуць генерыравацца ў такой эканоміцы».
Прадстаўніца АПК, адказваючы на пытанне вядучага, падкрэсліла, што заробак у 2500 даляраў праз умоўныя дзесяць гадоў — «гэта абсалютна рэалістычныя лічбы»: «Ёсць унутраныя рэсурсы ў беларускай эканоміцы. У тым ліку, напрыклад, у сістэме адукацыі, якія можна перанакіроўваць на тое, каб павялічваць зарплаты настаўнікам».
«Калі б беларускія ўлады хацелі гэта рэалізаваць, яны б гэта ўжо даўно зрабілі. Але тута праблема ў іншым: яны не зацікаўленыя ў гэтым, бо такая сістэма, якая прадугледжаная ў стратэгіі, выключыць карупцыйныя схемы ў цэлым. Усё адбываецца ў электронным фармаце праз празрыстыя механізмы, дзе грамадзяне бачаць умоўна, за колькі купляецца кампутар у кожную школу, колькі грошай выдаткоўваецца на нейкія навуковыя даследаванні і які ідзе з гэтага вынік.
Улады ў такой сістэме не зацікаўленыя, таму што яны набіваюць свае кішэні за дзяржаўныя рэсурсы. Таму яны не могуць і не будуць рэалізоўваць гэтую стратэгію. Але калі яны возьмуць асобныя ідэі і паспяхова іх рэалізуюць, што палепшыць якасць жыцця беларусаў, я буду толькі рада», — сказала яна.
Цяпер чытаюць
Бліжэйшым часам будуць вызвалены больш за 150 палітзняволеных24
Каментары
А тыя што ў розных працэсах і стадыях, то не.