У матчы 36-га тура англійскай прэм'ер-лігі «Ліверпуль» прайграў на сваім полі «Чэлсі», што гуляў 2-м складам, з лікам 0:2 і значна пагоршыў шанцы на 19-ы тытул (апошні ў 1990-м).
У канцы першага тайма гол пасля памылкі Стывена Джэрарда забіў Дэмба Ба. У канцы другога тайма на 4-й дададзенай хвіліне мяч правёў Віліян — 0:2.
Такім чынам Жазэ Мурынью абыграў Брэндана Роджэрса.
Турнірнае становішча: Ліверпуль — 80 (36 матчаў), Чэлсі — 78 (36), Манчэстар Сіці — 77 (35), Арсенал — 70 (35), Эвертан — 69 (69), Тотэнхем — 66 (36), Манчэстар Юнайтэд — 60 (35).
Да канца чэмпіянату «Ліверпулю» і «Чэлсі» засталося правесці па дзве гульні, «МанСіці» — тры. У «Сіці» - лепшая розніца мячоў, што ўлічваецца на фінішы.
«Чэлсі» 4 мая згуляе дома з «Норвічам» і ў гасцях 11 мая з «Кардыфам».
«Ліверпуль» — 4 мая з «Крыстал Пэласам» у гасцях, дома 11 мая — з «Ньюкаслам».
«МанСіці» згуляе ў гасцях з «Эвертанам» (3 мая), дома з «Астан Вілай» (7 мая), дома — з «Уэст Хэмам» (11 мая).
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы2
Каментары