Камандуючы Нацгвардыяй: Славянск практычна ачышчаны ад тэрарыстаў
Сваімі прафесійнымі дзеяннямі байцы Нацыянальнай гвардыі Украіны практычна ачысцілі Славянск (Данецкая вобласць) ад тэрарыстаў. Пра гэта заявіў камандуючы Нацгвардыяй Сцяпан Палтарак, — перадае прэс-служба МУС.
Ён распавёў, што падчас выканання аперацыі сярод Нацгвардыі няма забітых і параненых.
У той жа час штаб антытэрарыстычнай аперацыі звярнуўся да кіраўнікоў тэрарыстычнай групы, якая захапіла Славянск, з ультыматыўным патрабаваннем выдаць усіх закладнікаў, якія незаконна ўтрымліваюцца ў горадзе.
Пра гэта паведаміў дарадца міністра ўнутраных спраў Украіны Антон Герашчанка.
Штаб Антытэрарыстычнай аперацыі прапануе шараговым баевікам добраахвотна здавацца ў палон антытэрарыстычным сілам і здаваць сваю незаконна захопленую зброю.
У выпадку добраахвотнай здачы ў палон шараговым баевікам, якія не здзейснілі цяжкіх і асабліва цяжкіх злачынстваў, гарантуецца бяспека і хадайніцтва органаў следства і пракуратуры.
Сігнал для добраахвотнай здачы ў палон — белая павязка на галаве і зброя пераведзеная ў небаявы рэжым нашэння руляй уверх.
Усе дарогі, якія вядуць у Славянск, заблакаваныя. Горад цалкам акружаны.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай3
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2929
Каментары