Петыцыя з патрабаваннем унесці Расію ў спіс дзяржаў-памагатых тэрарызму, размешчаная 23 красавіка на сайце Белага дома, у аўторак, 20 мая, набрала больш за 100 тысяч подпісаў.
Цяпер, згодна з правіламі сайта, улады ЗША будуць абавязаныя на яе адрэагаваць. На практыцы Белы дом часцяком ухіляецца ад адказу на многія звароты, тлумачачы гэта тым, што іх тэма не ўваходзіць у яго кампетэнцыю.
Па сцвярджэнні аўтараў петыцыі, Расія вядзе супраць Украіны «неабвешчаную вайну»: расійскія аператыўнікі, маскіруючыся пад мясцовых жыхароў, шляхам запалохвання і прымусу спрабуюць паўплываць на палітыку Украіны. Захопы адміністрацыйных будынкаў, выкраданні і забойствы людзей, на думку аўтараў дакумента, таксама адбываюцца па віне расійскага боку. У сувязі з гэтым яны заклікаюць ўнесці Расію ў спіс краін, якія патураюць міжнароднаму тэрарызму.
На дадзены момант у спіс краін-спонсараў тэрарызму Дзярждэпа ЗША ўваходзяць Іран, Сірыя, Куба і Судан. У дачыненні да гэтых дзяржаў дзейнічаюць амерыканскія санкцыі: забарона на пастаўкі зброі, шэраг фінансавых абмежаванняў.
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары