Першае месца сярод злачынстваў у мінскім метро займаюць крадзяжы маёмасці, гаворыцца ў паведамленні УУС па ахове метрапалітэна.
«Дзякуючы планамернай прафілактычнай працы нам удалося знізіць працэнт крадзяжоў у метро з пачатку гэтага года больш як у два разы ў параўнанні з аналагічным перыядам мінулага года, — паведаміў начальнік аддзялення аховы правапарадку і прафілактыкі УУС па ахове Мінскага метрапалітэна Дзмітрый Млынарчык. — Але гэта не гаворыць аб тым, што праблема крадзяжоў выкаранена цалкам».
Паводле слоў Млынарчыка, часцей за ўсё кішэннікі арудуюць на станцыях «Каменная Горка», «Інстытут культуры», «Плошча Леніна», «Пятроўшчына» і «Пушкінская».
Асноўная маса злачынстваў учыняецца ў прамежку з 14.00 да 22.00. Часцей за ўсё іх ахвярамі становяцца жанчыны. Найболей папулярныя крадзяжы мабільных тэлефонаў і кашалькоў.
Цяпер чытаюць
У чым прычына незадаволенасці жыхароў мікрараёна Лебядзіны ў Мінску? Вось што насамрэч там планавалі будаваць6
Каментары