Нацыянальная бібліятэка Беларусі і ААТ «Банк БелВЭБ» прэзентавалі сёння першыя 5 кніг з факсімільнага поўнага збору выданняў Францыска Скарыны.
Кнігі «Быццё», «Выхад», «Лявіт», «Лічбы» і «Другі закон» былі ўручаныя прадстаўнікам дыпламатычных місій Расіі, Украіны, Польшчы, Чэхіі, Германіі і Італіі ў Беларусі. Выданні таксама былі перададзеныя бібліятэкам усіх раёнаў сталіцы. Тыраж кожнай кнігі складае 1 тыс. асобнікаў, 100 з якіх выпушчаныя ў скураной вокладцы.
«Францыск Скарына належаў не толькі беларускай культуры. Лёс звязала яго з рознымі краінамі. Першадрукар унёс вялікі ўклад у развіццё ўсёй еўрапейскай культуры. Ён падарыў ўсім народам галоўнае багацце - друкаваную кнігу», - сказаў на прэзентацыі выдання міністр культуры Беларусі Барыс Святлоў.
Дырэктар Нацыянальнай бібліятэкі Раман Матульскі адзначыў, што цяпер у свеце не існуе кніг Скарыны, якія захаваліся цалкам. «З існуючых некалькіх асобнікаў выдання мы збіраем ідэальны том. Акрамя таго, упершыню на сучасную беларускую мову перакладзеныя тэксты Скарыны - прадмовы да ўсяго выдання і кожнай кнігі», - дадаў ён.
Поўны набор з 25 тамоў, надрукаваных Францыскам Скарынам у Празе (1517-1519 гады) і Вільні (1522-1525), будзе сабраны ў дваццацітомным факсімільным выданні. У яго аснову пакладзеныя электронныя копіі найлепшых з захаваных прац беларускага першадрукара, якія зніходзяцца ў бібліятэках і музеях Беларусі, Расіі, Украіны, Германіі і іншых краін. Факсімільнае выданне з максімальнай паўнатой узнаўляе кнігі Францыска Скарыны. Усе выданні забяспечаныя каментарамі навукоўцаў, а таксама перакладамі прадмоў і пасляслоўяў Францыска Скарыны на сучасныя беларускую, рускую і англійскую мовы.
Ініцыятарамі і асноўнымі выканаўцамі праекта сталі ААТ «Банк БелЗЭБ» і Нацыянальная бібліятэка Беларусі. Усе працы па аднаўленні Скарынаўскай спадчыны выконваюцца па дзяржпраграме «Культура Беларусі» на 2011-2015 гады. Выдавецкі праект разлічаны на 2013-2017 гады і прымеркаваны да 500-годдзя айчыннага кнігадрукавання. Выдадзеныя зборы кніг беларускага першадрукара будуць бязвыплатна перададзеныя ў бібліятэкі, музеі і архівы Беларусі, Расіі, Украіны, Польшчы, Германіі, а таксама ў міжнародныя арганізацыі - ААН і ЮНЕСКА.
X
-
Максім Знак апублікаваў свае музычныя запісы на стрымінгах
-
Калі ў 1979‑м «Каласы пад сярпом тваім» выйшлі па-руску накладам 100 тысяч асобнікаў, імі гандлявалі мінскія таксісты. Настолькі папулярны быў Караткевіч
-
Прыцкераўская прэмія 2026 года дасталася чылійцу, які стварае міражы. Яго эстэтыка крохкасці перамагла манументальны пафас
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары