Са 100 замоўленых БХД пікетаў супраць алкагалізацыі дазволены толькі адзін
З больш чым 100 пікетаў, замоўленых Беларускімі Хрысціянскімі Дэмакратамі ў 41 горадзе Беларусі, дазволены толькі адзін. Ён пройдзе 18 чэрвеня з 17:00 да 19:00 у Клічаве, насельніцтва якога ў лепшым выпадку складае толькі 7 тыс. чалавек.
Тэмай пікетаў была абарона дзяцей ад алкагалізму. Дзеянні ўладаў БХД расцэньвае як парушэнне правоў грамадзян на свабоду сходаў і свабоду выказвання.
«Замоўленыя пікеты мелі ясна акрэслены характар. На іх планавалася збіраць подпісы ў падтрымку зменаў у заканадаўства за дэалкагалізацыю насельніцтва, меркавалася распавесці пра антыалкагольную кампанію. Ужо сабраныя тысячы подпісаў у падтрымку кампаніі, і правядзенне пікетаў было б лагічай часткай кампаніі. Тое, што пікеты не дазваляюць нават па сацыяльных тэмах, сведчыць пра панічны страх уладаў перад любой грамадскай актыўнасцю. А дэкларацыі чыноўнікаў пра клопаты грамадзян застаюцца пустымі, за якімі няма рэальных крокаў. Насельніцтва масава спайваецца, а правядзенню кампаніі супраць алкагалізацыі робяцца перашкоды», — адзначыў сустаршыня аргкамітэту БХД Віталь Рымашэўскі.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары