Беларусь будзе пільна адсочваць транзіт прадуктаў харчавання ў бок Расіі. Аб гэтым заявіў сёння журналістам віцэ-прэм'ер Беларусі Міхаіл Русы.
Паводле слоў Міхаіла Русага, пытанні рээкспарту, што непакояць расійскі бок пасля ўвядзення ёю эмбарга на пастаўкі прадуктаў харчавання з ЕС і шэрага іншых краін, абмеркаваны сёння ў Маскве на яго сустрэчы з віцэ-прэм'ерам Расіі Аркадзем Дварковічам.
«У нас гэта (транзіт тавараў па тэрыторыі Беларусі) кіравальна, у рамках заканадаўства, у тым ліку і Мытнага саюза, усё гэта пільна адсочваецца, — сказаў Міхаіл Русы. — Мытныя органы ў рэжыме анлайн адсочваюць перамяшчэнне прадукцыі, усё знаходзіцца пад кантролем. Транзіт будзе ажыццяўляцца ў поўнай адпаведнасці з заканадаўствам і прынятымі рашэннямі: што забаронена, то забаронена».
Гаворачы аб перапрацоўцы на тэрыторыі Беларусі еўрапейскай сыравіны, у тым ліку рыбнай, Міхаіл Русы падкрэсліў, што ўсе прадпрыемствы, занятыя ў гэтай сферы, захаваюць аб'ёмы вытворчасці, а можа, нават павялічаць яе.
Цяпер чытаюць
Былы галоўны ідэолаг Беларусі прадаў дом у Драздах за $600 тысяч3
Каментары