У Крыме больш не будзе пачатковых класаў з навучаннем на ўкраінскай мове
Чыноўнікі анексаванага Крыма заяўляюць, што на паўвостраве больш не будзе класаў з навучаннем на ўкраінскай мове ў пачатковай школе.
Як паведамляюць мясцовыя СМІ, такую заяву зрабіла міністр адукацыі, навукі і моладзі рэспублікі Наталля Ганчарова.
«На тэрыторыі Крымскай федэральнай акругі Расіі не будуць фарміравацца пачатковыя класы з навучаннем на ўкраінскай мове. Жадаючых проста не знайшлося», — заявіла Ганчарова.
Паводле яе слоў, бацькі першакласнікаў напісалі заявы на навучанне на рускай мове, а ў раёнах пражывання крымскіх татараў былі жадаючыя навучаць дзяцей на крымскататарскай.
Выключэнне можа скласці былая ўкраінская гімназія ў Сімферопалі, дзе прыкладна трохі больш за чвэрць бацькоў напісалі заяву аб жаданні навучаць сваіх дзяцей на ўкраінскай мове, — паведаміла Ганчарова.
У канцы навучальнага года ў некаторых крымскіх школах бацькам вучняў раздалі апытальнікі, у якіх прапанавалі выказаць меркаванне з нагоды вывучэння ўкраінскай і крымскататарскай моў.
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары