U Krymie bolš nie budzie pačatkovych kłasaŭ z navučańniem na ŭkrainskaj movie
Čynoŭniki anieksavanaha Kryma zajaŭlajuć, što na paŭvostravie bolš nie budzie kłasaŭ z navučańniem na ŭkrainskaj movie ŭ pačatkovaj škole.
Jak paviedamlajuć miascovyja ŚMI, takuju zajavu zrabiła ministr adukacyi, navuki i moładzi respubliki Natalla Hančarova.
«Na terytoryi Krymskaj fiederalnaj akruhi Rasii nie buduć farmiravacca pačatkovyja kłasy z navučańniem na ŭkrainskaj movie. Žadajučych prosta nie znajšłosia», — zajaviła Hančarova.
Pavodle jaje słoŭ, baćki pieršakłaśnikaŭ napisali zajavy na navučańnie na ruskaj movie, a ŭ rajonach pražyvańnia krymskich tataraŭ byli žadajučyja navučać dziaciej na krymskatatarskaj.
Vyklučeńnie moža skłaści byłaja ŭkrainskaja himnazija ŭ Simfieropali, dzie prykładna trochi bolš za čverć baćkoŭ napisali zajavu ab žadańni navučać svaich dziaciej na ŭkrainskaj movie, — paviedamiła Hančarova.
U kancy navučalnaha hoda ŭ niekatorych krymskich škołach baćkam vučniaŭ razdali apytalniki, u jakich prapanavali vykazać mierkavańnie z nahody vyvučeńnia ŭkrainskaj i krymskatatarskaj moŭ.
Kamientary