У мінскім парку Горкага — неверагодныя пахі: спаборніцтва найлепшых кухараў Беларусі
У сталічным Цэнтральным дзіцячым парку імя Максіма Горкага 23-24 жніўня праходзіць ІІІ Міжнародны кулінарны фестываль Смачнага блога.
Прадстаўнікі Гільдыі кухараў і шэф-кухараў Беларусі праводзяць майстар-класы, у часе якіх дзеляцца сакрэтамі прыгатаваня нацыянальных страў розных краін.
У рамках фестывалю таксама праходзіць рэспубліканскі турнір «Залаты кіцель - 2014» на званне найлепшага кухара Беларусі. Для спаборніцтва арганізавана адкрытая кухня на восем працоўных месцаў, а ў якасці суддзяў выступаюць майстры кулінарнага мастацтва Расіі і Украіны.
Як расказаў БелаПАН каардынатар конкурсу Сяргей Назарук, гэта прафесійны турнір з удзелам найлепшых кухараў з усёй краіны. Яго пераможца будзе ўзнагароджаны двухтыднёвай стажыроўкай у Малайзіі і сертыфікатам на бясплатнае навучанне ў кіеўскай Кулінарнай акадэміі. Прызёры будуць заахвочаны медалямі і прызамі. Для кухараў гэта вялікі этап асабистага прафесійнага росту: дзякуючы ўдзелу ў падобных турнірах яны маюць магчымасць атрымаць рэкамендацыі і заўвагі ад спецыялістаў найвышэйшага ўзроўню. Заданне канкурсантам - прыгатаваць гарманічна камбінаваную рэстаранную страву, асновай якой з'яўляецца птушка, рыба ці мяса.
У нядзелю адбудуцца конкурсы кулінараў-аматараў і медыяперсон — артыстаў, спартсменаў, тэлевядучых.
Для гледачоў падрыхтавана таксама разнастайная музычная і конкурсная праграма.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць6
Каментары