Глябальнае пацяпленьне ўжо адбываецца. Тэмпэратура на плянэце ў сярэднiм павысiлася на 0,7 градуса па Цэльсiю з пачатку прамысловай эпохi — i тэмпы яе павышэньня маюць тэндэнцыю да паскарэньня.
Днямi Праграма развiцця ААН апублiкавала Справаздачу аб развiццi чалавека за 2007—2008 гады. Дакумент прысвечаны праблеме змянення клiмату на планеце. «Глабальнае пацяпленне ўжо адбываецца. Тэмпература на планеце ў сярэднiм павысiлася на 0,7 градуса па Цэльсiю з пачатку прамысловай эпохi — i тэмпы яе павышэння маюць тэндэнцыю да паскарэння», — гаворыцца ў дакуменце.
Аўтары Справаздачы адзначаюць: навуковымi даследаваннямi цвёрда вызначана, што гэтае павышэнне абумоўлена ростам канцэнтрацыi парнiковых газаў у атмасферы Зямлi.
«Ужо сёння многiя бедныя людзi свету i найбольш безабаронныя экалагiчныя сiстэмы вымушаны адаптавацца да згубных клiматычных зменаў. Аднак пераадоленне парога тэмпературнага павышэння ў 2 градусы рэзка павялiчвае рызыку шырокамаштабнага адкату ў развiццi чалавека i незваротных экалагiчных катастроф».
Выконваючы абавязкi прадстаўнiка ПРААН у рэспубліцы Леван Буадзэ адзначыў, што Беларусь робiць вельмi сцiплы «ўклад» у справу» павелiчэння выкiдаў. У той жа час шэраг iншых краiн мае «недастаткова палiтычнай волi», каб пайсцi на значнае абмежаванне выкiдаў у атмасферу парнiковых газаў. На думку Левана Буадзэ, гэта тлумачыцца эканамiчнымi прычынамi. У выпадку прыняцця рашэння аб скарачэннi выкiдаў у атмасферу краiны павiнны будуць мадэрнiзаваць эканомiкi. Гэта, у сваю чаргу, пацягне значныя выдаткi.
Паводле слоў дырэктара дэпартамента гiдраметэаралогii Мiнiстэрства прыродных рэсурсаў i аховы навакольнага асяроддзя Марыi Гермянчук, асаблiвасцю змянення клiмату ў апошнiя дзесяцiгоддзi з’яўляецца павелiчэнне «экстрэмальных з’яў надвор’я». У Беларусi штогод фiксуецца ад 6 да 30 такiх з’яў.
«Гэта моцныя вятры, вялiкiя ападкi, паводкi ў некаторыя гады, засухi...»
Марыя Гермянчук дадала, што паводле даследаванняў айчынных навукоўцаў, з пачатку iндустрыяльнага перыяду тэмпература ў Беларусi павялiчылася на 1 градус па Цэльсiю.
«Такiм чынам, мы маем некаторыя адрозненнi ад сусветнай тэндэнцыi».
«Нашы галiны эканомiкi павiнны быць гатовыя да зменаў. І не толькi да экстрэмальнасцi, але i да пастаяннага павышэння тэмпературы. Папярэднiя даследаваннi паказваюць, што ўжо заўважаныя некаторыя змены ў аграклiматычным дзяленнi краiны. З’яўляецца новая аграклiматычная зона, якая характарызуецца больш спрыяльнымi ўмовамi для вядзення сельскай гаспадаркi. Такая зона характэрная для паўночнай i цэнтральнай частак Украiны».
Каментары