У сувязі з апошнімі падзеямі ва Украіне ўрад Германіі ўпершыню загаварыў пра «ваенную інтэрвенцыю» з боку Расіі.
«Мы чакаем тлумачэнняў ад Расіі адносна паведамленняў пра неаднаразовыя парушэнні ўкраінскіх межаў, якія ў выніку сведчаць аб ваеннай інтэрвенцыі», — заявіў афіцыйны прадстаўнік нямецкага ўрада Штэфан Зайберт на прэс-канферэнцыі ў Берліне, перадае Deutche Welle.
Ён дадаў, што ўскосныя сведчанні «прысутнасці расейцаў і выкарыстання расейскіх узбраенняў» былі ўжо і раней, цяпер падставы для такіх сцвярджэнняў сталі больш важкімі. Такое развіццё падзей з'яўляецца «вельмі сур'ёзным і нічым не апраўданым», падкрэсліў прадстаўнік нямецкага ўрада.
Штэфан Зайберт пацвердзіў папярэднюю заяву канцлера Германіі Ангелы Меркель пра намер абмеркаваць на экстранным саміце ЕС новыя санкцыі супраць Расіі. У той жа час магчымасць паставак узбраенняў Украіне спікер адхіліў.
Цяпер чытаюць
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца1
Усе гадаюць, чаму Месяц змяніў сваё месцазнаходжанне на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары