Беларусь і Нігерыя дамовіліся аб далейшым развіцці ўзаемадзеяння ва ўсіх сферах з мэтай вываду супрацоўніцтва на ўзровень стратэгічнага партнёрства. Такі адзін з вынікаў афіцыйнага візіту 8-9 верасня беларускай дэлегацыі на чале з міністрам замежных спраў Уладзімірам Макеем у Нігерыю, паведамілі ў прэс-службе МЗС.
У склад дэлегацыі ўвайшлі прадстаўнікі Беларускай гандлёва-прамысловай палаты, Міністэрства замежных спраў, Мінскага аўтамабільнага завода, Мінскага трактарнага завода, іншых беларускіх прадпрыемстваў.
Кіраўнік беларускага знешнепалітычнага ведамства быў прыняты Прэзідэнтам Федэратыўнай Рэспублікі Нігерыя Гудлакам Джонатанам. Абмеркаваны пытанні актывізацыі двухбаковых сувязей у палітычнай, гандлёва-эканамічнай, ваенна-тэхнічнай і іншых галінах.
Уладзімір Макей перадаў асабістае пасланне кіраўніка беларускай дзяржавы Аляксандра Лукашэнкі Прэзідэнту Нігерыі, у якім кіраўніку нігерыйскай дзяржавы пацверджана запрашэнне наведаць Беларусь.
У ходзе перагавораў з міністрам замежных спраў Нігерыі Аміну Валі разгледжаны шырокі спектр пытанняў узаемнага інтарэсу, узгоднены падыходы па шэрагу актуальных тэм міжнароднага парадку дня. Прынята рашэнне аб аператыўным разглядзе праектаў пагадненняў аб гандлёва-эканамічным супрацоўніцтве і аб падтрымцы і ўзаемнай абароне інвестыцый, якія знаходзяцца на разглядзе нігерыйскага боку.
Уладзімір Макей падрабязна праінфармаваў кіраўніка МЗС Нігерыі аб планах Беларусі па стварэнні зборачных вытворчасцей беларускай трактарнай, сельскагаспадарчай і аўтамабільнай тэхнікі ў Нігерыі.
На сустрэчы з саветнікам па нацыянальнай бяспецы Нігерыі Мухамедам Дасукі абмеркаваны пытанні бягучага стану і далейшага развіцця беларуска-нігерыйскіх адносін у ваенна-тэхнічнай сферы. Бакі канстатавалі, што адным з найбольш небяспечных глабальных выклікаў, якія стаяць сёння ў міжнародным парадку дня, з'яўляецца барацьба з міжнародным тэрарызмам. Дасягнута дамоўленасць аб больш цесным супрацоўніцтве па гэтым пытанні ў рамках двухбаковых адносін, а таксама цесным узаемадзеянні ў шматбаковым фармаце.
З міністрам гандлю, прамысловасці і інвестыцый Нігерыі Алесугунам Аганга абмеркаваны пытанні супрацоўніцтва ў сферы вытворчай кааперацыі і павелічэння тавараабароту паміж краінамі.
У ходзе візіту Уладзімір Макей правёў круглы стол з удзелам прадстаўнікоў беларускіх экспарцёраў, афіцыйных дылераў айчынных прадпрыемстваў у Нігерыі, а таксама нігерыйскай дзелавой супольнасці. Абмеркаваны перспектывы далейшага развіцця гандлёва-эканамічных адносін паміж дзвюма краінамі, пытанні выхаду на канкрэтныя двухбаковыя праекты, а таксама некаторыя праблемныя пытанні экспарту беларускай прадукцыі ў Нігерыю.
Адбылося падпісанне пагаднення аб супрацоўніцтве паміж Беларускай гандлёва-прамысловай палатай і Нігерыйскай асацыяцыяй гандлёва-прамысловых, горназдабыўных і сельскагаспадарчых палат. Пагадненне прадугледжвае актывізацыю работы па падрыхтоўцы і правядзенні ўзаемных візітаў дзелавых колаў, пошуку гандлёва-эканамічных партнёраў, абмене камерцыйнымі прапановамі.
Падпісаны шэраг пратаколаў аб намерах, якія прадугледжваюць павелічэнне аб'ёмаў паставак беларускай прадукцыі ў Нігерыю.
У ходзе візіту Уладзімір Макей уручыў патэнты нованазначаным ганаровым консулам Беларусі ў Нігерыі.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8
Каментары