П'яны расеец цэлы кіламетр штурхаў скрадзеную машыну, бо не ўмеў кіраваць
Жыхар Кемераўскай вобласці скраў з гаража аўтамабіль і штурхаў яго каля кіламетра, бо не ўмеў кіраваць. Пра гэта ў панядзелак паведамляе прэс-служба ГУ МУС па вобласці.
Пра тое, што мужчына сагнаў аўтамабіль, супрацоўнікі ДІБДР горада Ленінск-Кузнецкі даведаліся пасля праверкі машыны, якую падазроны «кіроўца» прыпаркаваў каля кафэ.
«Высветлілася, што мужчына знаходзіцца ў стане алкагольнага ап'янення, пры сабе ў яго не аказалася ні пашпарта, ні пасведчання кіроўцы, ні дакументаў на машыну. Паліцыянты даставілі мужчыну ў аддзел паліцыі, а транспартны сродак — на спецстаянку», — сказалі ў прэс-службе.
Пакуль супрацоўнікі паліцыі высвятлялі, каму належыць аўтамабіль, у дзяжурную частку звярнуўся пацярпелы з заявай аб згоне. Як аказалася, зламыснік, прарабіўшы адтуліну ў даху гаража, спусціўся ўнутр, склаў у салон аўтамабіля знойдзеныя ў памяшканні каштоўныя рэчы, адкрыў вароты і павёз аўтамабіль сваімі сіламі.
«Транспартны сродак ён планаваў разабраць на запчасткі», — удакладнілі ў ГУ МУС.
Аўтамабіль вернуты пацярпеламу. У дачыненні да згоншчыка ўзбуджаная крымінальная справа па артыкуле «Крадзеж», яму пагражае да 6 гадоў пазбаўлення волі.
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме32
Біцэпсы Івана Краўцова здзівілі сацсеткі. Ён расказаў, як трымае сябе ў спартыўнай форме
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары