Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы
Днямі брэнд упрыгожанняў быў прызнаны «экстрэмісцкім фармаваннем».
Сёння праект Belaruskicry напісаў у сацсетках:
«У сувязі з апошнімі навінамі ў прызнанні Belaruskicry экстрэмісцкім фармаваннем у Беларусі, у нас няма ўпэўненасці, што даныя вашых мінулых замоў не трапілі ў іншыя рукі».
ГУБАЗіК у сваім неафіцыйным тэлеграм-канале прыгразіў, што за кожны новы заказ пасля надання статусу на пакупніка будзе заводзіцца крымінальная справа, па якой прадугледжаны тэрмін да 6 гадоў пазбаўлення волі.
Брэнд упрыгожанняў стварыла беларуская дызайнерка, якая пасля пратэстаў 2020 года пераехала з Мінска ў Грузію.
Самым вядомым з упрыгожанняў стаў кулон «Беларусь са слязой», які носіць шмат людзей як у Беларусі, так і за мяжой.
Днямі КДБ прызнаў брэнд «экстрэмісцкім фармаваннем». Паводле ведамства, дачыненне да брэнду маюць Аляксандра Куркова, Марына Сергіеня, Ягор Бужылаў і Алена Куляшова.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай41
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары