У даўжнікоў, якія не плацяць за «камуналку» больш за 2 месяцы, адключаць святло
Адключэнне электрычнасці ў кватэрах мінскіх неплацельшчыкаў неабходна вырабіць да 5 лістапада.
Як паведамляе агенцтва «Мінск-Навіны», такое даручэнне жыллёвым арганізацыям даў сёння на пасяджэнні штаба па ўтрыманні горада першы намеснік старшыні Мінгарвыканкама Уладзімір Кухараў. Ён таксама запатрабаваў размяшчаць у жыроўках адпаведнае папярэджанне.
Па стане на 1 кастрычніка 26 616 асабовых рахункаў у Мінску маюць пратэрмінаваную запазычанасць больш за 8 млрд рублёў.
Пераважная большасць даўжнікоў — 22 658, або 85% ад агульнай колькасці, — не плацяць за камунальныя паслугі менш за 2 месяцы. Ад іх камунальнікі недаатрымалі больш за 4,5 млрд руб.
Сем'яў, якія ігнаруюць жыроўкі на працягу больш чым 3 гадоў, у сталіцы налічылі 67 (0,3% ад усіх неплацельшчыкаў). Іх сумарны доўг складае амаль 410 млн руб.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль7
Каментары