Стралкоў: Баявік «Абвер» не вытрымаў, калі маці пракляла яго ў жывым эфіры
Што здарылася с правай рукой Ігара Стралкова (Гіркіна) па мянушцы Абвер? — запытаўся слухач у часе жывога эфіру са Стралковым на расійскім радыё «Гаворыць Масква».
«Па-першае, не па мянушцы, а па пазыўным. Мянушкі ў сабак, — паправіў Стралкоў. — Ён у пачатку аказаў досыць шмат дапамогі, шмат працаваў, але потым зламаўся. Прычына злому, што, вядома, цяжкі псіхалагічны ціск на яго. Бацькі ва Украіне. Адпаведна, пасля таго, як уласная маці праклінае ў жывым эфіры, вельмі цяжка чалавеку выконваць свае абавязкі. Ну, проста запіў. Мне прыйшлося адхіліць яго».
Пад пазыўным «Абвер» хаваецца 42-гадовы Сяргей Здрылюк, ураджэнец Вінніцкай вобласці Украіны. Ён служыў у СБУ ў Крыме і там уступіў у сувязь з расійскімі спецслужбамі. У красавіку 2014 ён уваходзіў у расійскую штурмавую групу, якая захапіла Луганск і Славянск.
СБУ выявіла ідэнтычнасць Абвера, пасля чаго пра яго шмат гаварылі ўкраінскія СМІ. А родная маці пракляла яго за тое, што ён робіць з бацькаўшчынай.
Апошняя інфармацыя пра яго датуецца маем 2014 года.
Літва зноў закрывае мяжу з Беларуссю — на нявызначаны тэрмін9
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары