Паслугі ацаніў у 5 тысяч даляраў.
Спроба дачы хабару следчаму Баранавіцкага міжраённага аддзела Следчага камітэта скончылася заведзенай крымінальнай справы.
Як паведаміла афіцыйны прадстаўнік упраўлення Следчага камітэта па Брэсцкай вобласці Марына Дранькова, у Баранавічах падчас расследавання крымінальнай справы па ч. 3 арт. 328 КК (незаконныя з мэтай збыту набыццё і захоўванне асабліва небяспечнага псіхатропнага рэчыва) да абвінавачванага была прымененая мера стрымання ў выглядзе ўзяцця пад варту.
Дакладна ведаючы пра тое, у якога следчага знаходзіцца ў вытворчасці гэтая крымінальная справа, да яго звярнуўся сваяк падследнага з просьбай за 5.000 даляраў ЗША змяніць кваліфікацыю дзеянняў апошняга з катэгорыі асабліва цяжкага на менш цяжкае злачынства.
У выніку праведзеных аператыўнымі супрацоўнікамі мерапрыемстваў сваяк падследнага пры перадачы грашовых сродкаў у якасці хабару быў затрыманы.
Па гэтым факце ўпраўленнем Следчага камітэта па Брэсцкай вобласці распачата крымінальная справа на падставе ч. 1 арт. 14, ч. 2 арт. 431 КК (замах на дачу хабару ў буйным памеры). Праводзіцца расследаванне.
Беларусы сустракаюць вызваленых палітвязняў у Вільні ФОТЫ і ВІДЭА3
Каментары