Мабільная анлайн-гульня World of Tanks Blitz, якая ў лістападзе выйшла для Android у Скандынавіі і Італіі, з чарговым абнаўленнем стала даступная па ўсім свеце, у тым ліку ў роднай «танчыкам» Беларусі.
Сімулятар танкавага бою першай паловы ХХ стагоддзя даступны бясплатна ўладальнікам смартфонаў і планшэтаў з Android версіі не старэй за 4.0.
Акрамя сусветнай даступнасці абнаўленне 1.5 прнесла ў гульню кросплатформенныя баі — цяпер гульцы з Android- і iOS-прыладамі могуць змагацца на адной арэне.
Прынцыповай розніцы у версіях для Android і iOS «аперацыёнак» няма.
Таксама ў гульні з’явіліся дзесяць сярэдніх танкаў Брытаніі, сістэма пракачкі экіпажа і карту «Зімовая Малінаўка».
World of Tanks Blitz не з’яўляецца поўнай копіяй World of Tanks. Яна распрацаваная пад сэнсарныя экраны і больш слабое «жалеза», таму ў гульні спрошчанае кіраванне, меней дэталёвая графіка, меншыя памеры картаў і камандаў. Для яе патрэбны асобны ад «настольных» танкаў акаўнт. World of Tanks Blitz спажывае прыкладна 10 Мб трафіка на гадзіну гульні.
Сама гульня распаўсюджваецца бясплатна. Як і яе «настольны» брат, яна заснаваная на прынцыпе «Free to win» («Перамагаць можна бясплатна»).
У гульні прысутнічае магчымасць пакупак бонусаў за рэальныя грошы, але гэтыя бонусы не даюць відавочных пераваг на полі боя.
Версія World of Tanks Blitz для iOS была выпушчаная 26 чэрвеня 2014 года. Яна была ўсталяваная больш за 10 млн раз і мае сярэднюю адзнаку ў 4.5 балы з 5.
Цяпер чытаюць
Cцяпан Латыпаў трэці раз спрабаваў здзейсніць суіцыд у турме3
Cцяпан Латыпаў трэці раз спрабаваў здзейсніць суіцыд у турме
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1313
Каментары