У цэнтры Грознага праходзіць шматтысячны мітынг супраць публікацыі карыкатур на прарока Мухамеда. Улады Чачні ўпэўненыя, што ў мерапрыемстве возьме ўдзел не менш за паўмільёна чалавек.
Многія ўдзельнікі трымаюць плакаты з надпісамі «Рукі прэч ад нашага любімага прарока Мухамеда», «Мы любім прарока Мухамеда» і «Прарок Мухамед — найлепшы з людзей».
У пачатку мітынгу кіраўнік Чачні Рамзан Кадыраў заявіў, што «мусульмане Расіі не дазволяць выкарыстоўваць сябе для таго, каб разгойдваць сітуацыю ў краіне».
«Мы заўсёды былі надзейнымі абаронцамі Расіі, і сёння мы ў стане даць годны адпор любым ворагам нашай бацькаўшчыны», — заявіў Кадыраў.
Пасля гэтых слоў яму давялося зрабіць паўзу, бо мітынгоўцы пачалі скандаваць «Алах Акбар».
На мінулым тыдні Кадыраў назваў сваімі асабістымі ворагамі ўсіх, хто «падтрымлівае права часопіса Charlie Hebdo абражаць рэлігійныя пачуцці 1,5 млрд мусульман».
Маршрут мітынгу пралягае ад плошчы «Хвілінка» да цэнтральнай мячэці імя Ахмат-Хаджы Кадырава «Сэрца Чачні», дзе вернікі зробяць малітву і калектыўны намаз.
Раней Кадыраў назваў экс-кіраўніка ЮКАСа Міхаіла Хадаркоўскага ворагам усіх мусульман свету, пасля таго як той заклікаў журналістаў публікаваць карыкатуры на прарока Мухамеда ў знак пратэсту супраць забойства журналістаў у Парыжы.
Цяпер чытаюць
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў6
Каментары