U centry Hroznaha prachodzić šmattysiačny mitynh suprać publikacyi karykatur na praroka Muchamieda. Ułady Čačni ŭpeŭnienyja, što ŭ mierapryjemstvie voźmie ŭdzieł nie mienš za paŭmiljona čałaviek.
Mnohija ŭdzielniki trymajuć płakaty z nadpisami «Ruki preč ad našaha lubimaha praroka Muchamieda», «My lubim praroka Muchamieda» i «Prarok Muchamied — najlepšy ź ludziej».
U pačatku mitynhu kiraŭnik Čačni Ramzan Kadyraŭ zajaviŭ, što «musulmanie Rasii nie dazvolać vykarystoŭvać siabie dla taho, kab razhojdvać situacyju ŭ krainie».
«My zaŭsiody byli nadziejnymi abaroncami Rasii, i siońnia my ŭ stanie dać hodny adpor lubym voraham našaj baćkaŭščyny», — zajaviŭ Kadyraŭ.
Paśla hetych słoŭ jamu daviałosia zrabić paŭzu, bo mitynhoŭcy pačali skandavać «Ałach Akbar».
Na minułym tydni Kadyraŭ nazvaŭ svaimi asabistymi vorahami ŭsich, chto «padtrymlivaje prava časopisa Charlie Hebdo abražać relihijnyja pačućci 1,5 młrd musulman».
Maršrut mitynhu pralahaje ad płoščy «Chvilinka» da centralnaj miačeci imia Achmat-Chadžy Kadyrava «Serca Čačni», dzie vierniki zrobiać malitvu i kalektyŭny namaz.
Raniej Kadyraŭ nazvaŭ eks-kiraŭnika JUKASa Michaiła Chadarkoŭskaha voraham usich musulman śvietu, paśla taho jak toj zaklikaŭ žurnalistaŭ publikavać karykatury na praroka Muchamieda ŭ znak pratestu suprać zabojstva žurnalistaŭ u Paryžy.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary