Ананіч: Меры абмежавання могуць прымяняцца да ўсіх даступных у Беларусі інтэрнэт-рэсурсаў
Меры абмежавання могуць прымяняцца ў аднолькавай ступені да ўсіх даступных у Беларусі інтэрнэт-рэсурсаў, паведаміла сёння міністр інфармацыі Лілія Ананіч у ходзе анлайн-канферэнцыі на тэму «Новы закон аб СМІ» на сайце БелТА.
Калі неналежная інфармацыя размешчана на замежным рэсурсе, не зарэгістраваным у даменнай зоне.BY, але падпадае пад дзеянне закона аб СМІ, да рэсурсу будуць прымяняцца такія меры, як абмежаванне доступу, вынясенне папярэджання, сказала Лілія Ананіч.
«Дзеянне закона аб СМІ распаўсюджваецца на ўсе сродкі масавай інфармацыі, даступныя ў нашай краіне. Гэта датычыцца і друкаваных, і электронных рэсурсаў», — удакладніла міністр.
Кожны працэс патрабуе глыбокага заканадаўчага аналізу, і правапрымяняльная практыка патрабуе глыбокага асэнсавання і прымянення, адзначыла кіраўнік Мінінфарма.
«Менавіта ў гэтым сіла нацыянальнага заканадаўства аб сродках масавай інфармацыі. Дзяржава, назіраючы дэструктыўныя праявы, выносіць свой вердыкт, таксама як і тыя, да каго гэта адносіцца, маюць права абараняць свае інтарэсы ў адпаведнасці з заканадаўствам», — падкрэсліла Лілія Ананіч.
Цяпер чытаюць
Яўген Афнагель расказаў, што было пасля суда, дзе скандавалі «Верым, можам, пераможам!» І назваў, хто для яго сапраўдны лідар Беларусі3
Каментары