Псыхіятрычная экспэртыза ў дачыненьні да Аляксандра Крутога цягнулася месяц, яе вынікам можа стаць прымусовае лячэньне. 22 студзеня распачнецца суд.
У выніку псыхіятрычнай экспэртызы дысыдэнта зь Нясьвіжа Аляксандра Крутога прызналі псыхічна хворым і прадпісалі яму прымусовае лячэньне. Пра гэта паведаміла адвакатка Аляксандра Крутога Мар’яна Сямешка. Паводле яе словаў 22 студзеня а 14 гадзіне ў Нясьвіжы пачнецца суд, які разгледзіць пытаньне аб неабходнасьці прымяненьня ў дачыненьні сп. Крутога прымусовага лячэньня.
Нагадаем, што крымінальную справу паводле арт. 368 КК у дачыненьні дысыдэнта зь Нясьвіжу распачалі ў траўні 2003 г. А. Крутому закідалі публічную абразу кіраўніка дзяржавы — нібыта ён распаўсюджваў улёткі зьняважлівага зьместу. У сярэдзіне кастрычніка Аляксандра затрымалі ў Менску і адвезьлі ў Нясьвіж, дзе пратрымалі трое сутак. Затым яго зьмясьцілі ў Жодзінскім СІЗА.
Цяпер чытаюць
Да «Дня народнага адзінства» памілавалі 25 чалавек4
Каментары