Аляксей Чабан: Перамір'е выконваецца, украінскі канвой прайшоў у Дэбальцава
Спалены грузавік на трасе Арцёмаўск-Дэбальцава.
«Наш канвой у Дебальцево прайшоў. Дарогу размініруюць, — напісаў у сябе ў Фэйсбуку ўкраінскі лейтэнант-танкіст, а ў мірным жыцці — фермер з-пад Днепрапятроўска Аляксей Чабан.
Чабан ваюе ў раёне Дэбальцава. Ён атрымаў вядомасць, калі адпусціў экіпаж падбітага ім расійскага танка і адправіў адкрыты ліст пра гэта ў Варонеж, маці аднаго з баевікоў, які пакінуў свой мабільнік у баявой машыне.
«Бандыты даслалі мірных жыхароў з ультыматумам здацца да 11:00, потым быццам бы пачнуць бамбіць. Думаю, брахня. Думаю, яны ўжо думаюць, хто іх зліў і што ім такім добрым рабіць», — падсумоўвае ён.
Тым не менш, спарадычныя перастрэлкі ўспыхвалі і ў раёне Дэбальцаўскага плацдарма, пераважна каля населенага пункту Чарнухіна, паведаміў прэс-сакратар украінскай антытэрарыстычнай аперацыі. Найбольшым інцыдэнтам ночы стаў ракетны абстрэл расійскімі сіламі горада Папасная, у выніку чаго загінулі двое мірных жыхароў. Акрамя таго, пад гранатамётны абстрэл папаў украінскі патруль на ўсход ад Марыупаля, дзе параненыя 9 вайскоўцаў.
Дэбальцава — важны чыгуначны вузел між Данецкам і Луганскам. Праз яго ідзе чыгунка з Данецка ў Расію. Кантроль над Дэбальцавам будзе азначаць таксама кантроль на грузавымі патокамі з рэгіёна.
На момант заключэння папярэднага перамір'я Дэбальцава было адваявана ўкраінскімі войскамі. Увесь студзень і люты вакол яго ішлі зацятыя баі. Расійскія сілы спрабавалі вярнуць сабе кантроль над горадам.
Дамоўленасць аб новым перамір'і была дасягнутая ў Мінску 12 лютага. Яно ўступіла ў сілу з поўначы 15 лютага.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі4
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце3737
Каментары