Памятаеце «Інтэрстэлар»? NASA паказала незвычайнага робата ВІДЭА
Гледачам фільма «Інтэрстэлар» мусіў запомніцца робат-абеліск. Але напраўду робат для даследавання іншых планет можа выглядаць яшчэ больш экзатычна.
На міжнароднай канферэнцыі па робататэхніцы і аўтаматыцы інжынеры NASA прадставілі робата для місій на Тытан і іншыя спадарожнікі планет сонечнай сістэмы, распавядае IEEE Spectrum.
Робат нагадвае мяч з трубак і дротаў рэгуляванай даўжыні.
Навуковае абсталяванне прапануецца схаваць у трубкі. Папярэдняя версія робата мае 6 трубак і 12 прывадаў для нацягвання дротаў, канчатковая версія будзе мець 24 прывады.
Такая канструкцыя дазваляе раўнамерна размеркаваць нагрузкі і лёгка мяняць форму апарату. Робат пройдзе па перасечанай мясцовасці, зможа кампактна ўпакавацца для транспартыроўкі.
Мяркуецца, што канструкцыя дазволіць працягнуць працу нават пры дэфармацыі 75% трубак, што важна ва ўмовах нізкай гравітацыі і цвёрдай паверхні Тытана.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала15
Каментары